11年 閒遊茶果嶺

日期 : 2011 年 1 月 15 日 (星期六、天晴)

　　這周末計劃了一個較短的行程，就是去逛茶果嶺，吃過午飯後便起程，景點是茶果嶺村、天后廟和求子石。

　茶果嶺村旁的高樓大廈，馬路旁的店舖大多都是海鮮批發店，原來茶果嶺對出碼頭停泊了好多漁船


沿茶果嶺道行，過了石屎大廈後就是平房式的茶果嶺村，在村口的休憩公園掛了新年裝飾


在茶果嶺鄉公所門外擺放了曾經名噪一時的合義龍舟

建造於1958年，現已光榮退役

龍舟的內裏和船槳都好新淨


隻龍舟好長架


行過少少就到茶果嶺天后廟，它是本港現存以麻石興建的最大型天后廟建築，每逢農曆三月二十三日天后寶誕，村民舉辦別具特式的花炮巡遊以及粵劇賀誕表演慶祝


化寶爐好新淨


廟門口有一對麒麟


傳統的天后廟的香爐

門口的對聯「母儀堪配地　水德可參天」

門上有掛有幅天后顯靈，村民出海參拜時情況


廟頂上有二龍爭珠


廟後有個涼亭


廟側有一對大石，名為「風水卵石」或「求子石」，相傳祇要向求子石誠心禱告，便可獲天賜男丁





回程時沿村內的小路行去麗港城，行行下見到有間屋外放了些小擺設

相信屋主好喜歡陶瓷



村內有多間年代久遠的青磚屋，這間就改建成為廢料回收貨倉


這間屋的屋頂是瓦砌的，真的越來越少機會見到


臨離開時見到有間店舖前也布置剛才見過的小擺設，唔知呢間店舖的主人係唔係住係果間屋呢

11年 閒逛海港城～豪食漢堡包

日期 : 2011 年 1 月 8 日 (星期六、天晴)

　　今個週末都是購物日，我們去了海港城逛街，逛了一會便找個地方吃下午茶，無意中見到BLT Burger裏面還有些空位，心想「人一世、物一世」，於是入去試下，結果吃了一餐我和白熊從未吃過咁高檔次既漢堡包餐。

唔捨得去食BLT Steak，咁就改去BLT Burger

第一次嚟咁高檔既地方，啡白熊當然要影相留念

我地叫咗兩個set，先嚟coke同coke light，coke果杯面頭有塊檸檬，coke light果杯有塊青檸


我的Australian Wagyu Burger，Waffles Fries ，Salad同埋一小條酸青瓜，個漢堡飽裏面塊牛肉餅有成7oz重，五成熟，味道真係好唔錯，可惜太大個，用刀叉切開一半，吃咗兩啖就開始唔熱辣辣，無咁好味，而薯格都唔錯，但吃完個包己經食唔落，唯有叫待應比個袋包起，返屋企整番熱再食過，呢個餐$168


白熊的BLT Burger，Fat Fries，Salad同埋一小條酸青瓜，個牛肉餅都係7oz重，一樣要了五成熟，仲有兩條煙肉添，味道都唔錯，不過同我一樣食咗一陣就開始凍，薯條又係食唔晒要打包返屋企，呢個餐$148，連埋加一埋單共$348

11年 元旦閒遊太古城中心『經典聖誕之音』

日期 : 2011 年 1 月 1 日 (星期六、天晴)

　　Happy New Year 2011!

　　今天是元旦日假期，沒有安排特別的節目，選了到太古城中心購物，為家中增添一些日用品。

　　中午到達商場，我們先到Food Republic吃午餐，吃飽後在商場內看看聖誕布置，然後去逛各大百貨店，行了一個下午，都有不少收穫，今天可以算是元旦豐收日，不過要自己掏腰包。

白熊的午餐，北京水餃酸辣湯麵配豆漿$30

我的油雞燒鴨飯配油菜和例湯$38，整體食物水準一般，價格不算貴


「經典聖誕之音」的表演舞台，商場邀請了不少世界級歌舞表演者


穿過表演台旁的圓拱門，便會看到富有歐陸風情的大廳。大廳內擺放多棵閃亮別緻的聖誕樹


歐陸的建築


歐陸式典雅大宅之中，當然有壁爐




又有聖誕禮物


古典茶杯套裝


唔知呢個係唔係雜誌架呢？

古老大鐘加上舒適的沙發椅


古典小枱燈


WA)))))有火雞呀！好多聖誕食物呀！不過祇可以睇唔可以食架

仲有蛋糕


地下有不少玩具，小朋友最開心

還有不少舊日外國家庭的家中擺設











離開歐陸大宅，係商場見到架金光閃閃既鹿車

仲有棵30呎高的巨型聖誕樹


行完太古城中心，順便行埋康怡廣場，商場門口都有聖誕布置



個公仔好鬼cute


行到好攰，走入去「五代同堂」食甜品，順便休息下，白熊叫了天使冰$35，即係牛奶冰，配棉花糖、小丸子、粟米片，Orea餅碎和煉奶，好濃既奶味，好正～


我的芒果腸粉$28，芒果唔夠熟略帶酸，呢樣麻麻地