10年 閒逛apm『蛋糕雕塑藝術展』

日期 : 2010 年 8 月 21 日 (星期六、天晴)

　　今天去apm商場新開的蒸籠料理吃午餐，順道去逛逛『蛋糕雕塑藝術展』。大堂的布置上個月路過時己拍攝了一部份，不過最近新增了一些小擺設，造型都幾吸引。

　　商場與日本潮流雕塑藝術家渡邊理先生及本地創意舞台設計師Benfi Sum 合作炮製蛋糕藝術咖啡室，布置有咖啡杯，茶壺，當然不會缺少蛋糕，當中擺放了多件以忌廉雜果拼砌成的潮流蛋糕藝術，很美啊！

蛋糕雕塑藝術展


蛋糕化妝間，放滿了各種蛋糕，睇落好好味咁喎




忌廉蛋糕，好似好好味咁樣

士多啤梨餅乾水晶燈

朱古力馬匹雕塑


美女人像蛋糕


在大咖啡杯上天使蛋糕


英式茶點三層蛋糕架


時間尚早，間蒸籠料埋料店還未開門營業，所以先到Pepper Lunch 食少少野先


鐵板黑椒牛肉飯，塊鐵唔夠熱，撈混之後啲飯只係熱熱哋，份量又少，都係在日本新宿食的好食好多

食完後四周圍行下，終於等到佢開門喇，原來佢係開中午12點！


餐廳logo～甘薯豚和地頭雞

甘薯豚產自日本千葉縣，主要飼料為甘薯，因而得名：地頭雞，原來這是地道走地雞的意思


點完野食後，啡白熊好開心咁一邊同甘薯豚和地頭雞傾計，一邊等食，呀！佢哋幾時識講豬話同雞話架？

牛肩肉ロース蒸籠 $68，有兩款汁醬選擇，牛肉很嫩，不過牛肉味唔係好濃，反而下面的菜吸收了牛肉汁仲好味


日本產豚肉蒸籠$98，啲豬肉很嫩滑，上面加了些梅醬，幾好味


原來蒸籠料理係平日係有飯和湯跟的，但係星期六日就無，要加 $12先有，我啲要了一份飯和湯，埋單一共 $195.8

10年 閒遊『旺角彈起』@朗豪坊

日期 : 2010 年 8 月 14 日 (星期六、天晴)

　　炎熱的周末，都是選擇去逛商場，今次去朗豪坊看一個名為『旺角彈起』的展覽。商場與全香港第一位全職Pop-up立體書創作人劉斯傑先生一起合作這個創意展覽，並加上市區重建局的贊助，展期由8月5日至22日 。

　　展覽位於商場的四樓通天廣場，地方不是很大，不過卻令我們有意外的驚喜。創作人劉斯傑先生繼創作立體 Pop-up書『香港彈起』、『中國彈起』後，今次來個『旺角彈起』。他把旺角行人專用區「西洋菜街」、波鞋街「洗衣街」、女人街「通菜街」等多條旺角具有本地潮流文化特色的街景，以巨型立體書的創意形式呈現出來，並製作了四本共2米長、2米闊、1米高的『旺角彈起』360度全景獨家版巨型Pop-Up書。看罷展覽，真的不可不佩服他的創作力！

商場四樓的『旺角彈起』展覽




這是照著旺角街道做的大型街道展








唔知間波鞋店有乜野睇呢？


原來唔係賣波鞋，係展出『中國彈起』立體Pop-up書，這個是中國二千多年前發明的渾天儀




紫禁城


西洋菜街


彌敦道




通菜街


仲有架賣煎釀三寶既小販車仔添


做得好真架！




架小販車旁仲貼咗個福字同埋招租街招添



呢間賣衣服同書包既舖頭窗櫥有咩睇呢？

原來這裡展出『香港彈起』立體Pop-up書的製作






創作原圖


完成品，真係好神奇


聯昌辦館，真嘅一樣


山邊木屋區


這個玻璃櫃有十幾架紅綠小巴，唔知展覽啲乜野呢？


紙摺的綠色小巴，好似有些舊舊地


紙摺的紅色小巴，個車頂甩咗啲色喎


睇完有些肚餓，去咗 MOS Burger食Brunch


要咗照燒牛肉漢堡配摩斯雞塊餐 $39.00，個漢堡很好食，唔錯！


件摩斯雞塊就用個不沾油袋袋住，祇需撕去上半部就可以食得，食完都唔會整到隻手油膩晒


食飽行番去展覽場時.....，個玻璃櫃好似唔同咗喎


原來之前係兩塊板的東西變咗兩條街道，點解呢？？？

睇睇下突然果兩條街係度郁，不用半分鐘又變番兩塊板，原來這兩塊板其實係四本『旺角彈起』的立體Pop-up書，加入機動彈起裝置，令『旺角彈起』書本徐徐開合，整個旺角360度隨之彈出


開始變身喇～白熊快啲睇呀！


四本一齊緩緩咁打開






變身完成，變咗兩組高樓大廈的街道

書內的「朗豪坊」屋頂更會升起

真係好神奇，影多幾張相留念下先










影完相，去咗雪榚店食咗個鮮果丹麥筒雙球 $53.00，食完後就乘車回家