這個星期初白熊在網上瀏覽時，看到荃灣廣場在8月5日至22日有全港首間「多啦 A夢限定咖啡店」，逢周四至周日12:30nn 至 9:00pm營業。咖啡店是『多啦A夢40週年』電影大世界珍藏館的其中一部份，而珍藏館的展期由7月20日至8月31日。
今天哼著「 人人期望可達到 我的快樂比天高 人人如意開心歡笑 跳進美夢尋獲美好．．．．」，十二時多抵達商場，先到白熊喜歡的咖啡店吃了點小食，再到珍藏館外圍逛逛，要進入珍藏館便要在商場內以電子貨幣即日消費滿$100，可參觀珍藏館一次。既然要消費才可參觀，我們便到吉之島消費一下，跟著找間食店吃午餐，吃完午餐已三時多，再行回珍藏館參觀。館內有5個電影場景，內藏12個1:1的3D多啦A夢角色，更首次展出超過200件珍品，當中包括作者藤子不二雄的絕密手稿。我們很開心的影呀，影呀，在珍藏館逗留到四時半才離開回家去。
一入商場就見到多啦A夢的時光機
後面還有不同表情的多啦A夢
一樓大堂內有多啦A夢精品出售
隔離係多啦A夢咖啡店，不過還未開始營業
無得食，影下咖啡店先
旁邊有多啦A夢紙板公仔
另一邊的大雄
枱面係多啦A夢的樣子
另一張係佢的鈴鈴
另外還有高枱，呢張係頭
另一張係多啦A夢的百寶袋
夠鐘喇～兵分兩路，白熊買野食，我當然負責影相，這裡有多款食物供應
售賣櫃台放了食物模型
睇下啲食物，有啲改了多啦A夢的法寶名
買咗票喇，搵張櫈坐底先
由於太多人幫親的關係，等咗一陣先有野食，買咗豆沙包$17、中華叉燒飯團$6和芝心墨魚丸$15
多啦 A夢的「誠實豆沙包」，據說食了之後，如果講大話就會「打思噎」！
咖啡店後面有個舞台，不定期會有表演睇
大堂中庭是多啦A夢四十週年電影大世界珍藏館，行到去就俾個巨型多啦A夢紙板吸引著，佢有成個人咁高，真係好巨型呀
後面寫了多啦Ａ夢10個小秘密
旁邊的巨型方包就介紹藤子‧F‧不二雄和故事背景
後面就係多啦Ａ夢人物介紹
展館前有很多不同的多啦Ａ夢飾物和毛公仔
沖繩限定版的多啦Ａ夢毛公仔
各種扭蛋公仔
10吋元祖多啦Ａ夢公仔，原來多啦Ａ夢初初係黃色的，而且仲係有耳仔的，同依家的好大分別
不同時期的多啦Ａ夢手袋
中國版的多啦Ａ夢
日本各地的多啦Ａ夢電話繩
限定版多啦Ａ夢文具套裝
12吋元祖和現在的多啦Ａ夢公仔
多啦Ａ夢消防員
展覽品下面有多啦Ａ夢的各種表情，仲有溫馨提示"小心有電"
四十週年電影大世界珍藏館，原來唔係免費參觀的，要在這裡用電子貨幣消費滿一百元才可以參觀，所以先去消費和食午餐後才番嚟入去參觀
如果消費滿三百元還可以有份禮物，轉下個轉盤睇下可以得到乜野禮物
我地先到吉之島買野，然後去食午餐，今餐就在這裡食牛肉火鍋
等了一輪位後終於有位喇，坐低後先同啡白熊影下相先
等個鍋同牛肉時，先到食物枱取蔬菜和醬油，麻醬和加了葱的麻醬，原來加了葱香好多的
個鍋嚟喇，個電磁爐火力好勁，一陣就水滾，可以開餐
這裡的蔬菜有多款選擇，單單只食蔬菜都飽
今次選了上級涮涮鍋套餐$68，牛肉好靚，十分嫩滑，不過份量就好少，兩個人埋單$149.6
不管這機械貓叫叮噹還是叫多啦A夢都一樣咁喜歡，不經不覺佢己經係四十歲的中貓
展館全貌，外牆有多幅多啦Ａ夢畫像
多啦Ａ夢同大雄好開心咁走入如意門
其他人也跟住係後面
點知.....，多啦Ａ夢從如意門出番嚟時發現原來係佢哋後面，乜咁搞鬼
牆上掛上了以前多啦Ａ夢大電影的海報
多啦Ａ夢攞住盒爆谷，好似好好味咁喎，但係點解會嗅到好香的爆谷味嘅，唔通係多啦Ａ夢的法寶，原來係後面咁啱有檔賣爆谷既檔口
這邊有各人用竹蜻蜓飛緊，中間仲有個竹蜻蜓留番俾人影相添，好多人係度都會扮用竹蜻蜓飛，我都試過，不過位置太低，個位好難就，可能係預俾細路影相
遠處還有多啦美
影完後入場參觀喇～
如意門後面係在海底的多啦Ａ夢
多啦美
多啦Ａ夢和大雄，做乜個表情咁怪嘅
這裡也掛電影海報，多啦A夢大電影第3部的大雄的大魔境，在1982年3月13日公映
第7部的大雄與鐵人兵團，在1986年3月15日公映
第10部的大雄的日本誕生，在1989年3月11日公映
行入少少就見到胖虎開演唱會，搞到大雄同小夫喊咁口
多啦美和如意門裡面的化裝間
多啦Ａ夢和佢的法寶
大雄的爸爸
再入就展出藤子不二雄的珍藏手稿
不二雄的自畫像
第一部大電影的大雄的恐龍手搞
短篇故事漫畫的手搞
牆上有多啦Ａ夢的自畫像
這邊大雄也畫個威猛的大雄
多個多啦Ａ夢的手版模型
大雄的睡房
考考你，睡房少了些甚麼
旁邊還有大雄和媽媽
胖妹
最後一個就係大雄多啦Ａ夢同佢啲朋友的1:1立體模型，背景係在平時玩的空地
有部攝影機對住空地的畫，仲以為有乜野睇添．原來從後面係睇到有幾幅多啦Ａ夢的圖像，同空地無關係的
多啦Ａ夢做導演拍電影
在出口前面的展台展出多啦Ａ夢玩具，多啦Ａ夢日本旅行康樂棋
多啦Ａ夢保齡球
盒裝自組玩具擺設
扭蛋多啦Ａ夢組合，在百寶袋內有好多扭蛋
扭計骰
這個玩具係多啦Ａ夢卡通都見過
多啦Ａ夢 Game Boy 遊戲帶
電子遊戲機
連搖搖都有
參觀完就離開，在出口多啦A夢和佢的朋友同你說再見
沒有留言 :
張貼留言