今朝七時多起床，梳洗後九時到美味廚房食早餐，食飽後就出發去摘荔枝。起初我們以為荔枝園是在民宿附近，但原來附近那個荔枝園已沒有合時荔枝採摘，故我們到了一個離民宿較遠的荔枝園，車程要幾分鐘，落車後要行幾分鐘才到。因為天氣實在太熱，我們祇吃了幾粒和摘了少許荔枝，便在樹下休息，摘荔枝的工作主要由主人家擔當。
摘完荔枝，我們再到附近的火龍果園。第一次到火龍果園，感覺很新奇，不過當天成熟的火龍果在大清早便被摘掉，安排出運，在園內成熟的火龍果不多，幸好果園的主人將部份留起在家中，於是我們可以品嚐又大又甜又新鮮的火龍果．還買了一些回香港和家人分享。
摘完生果便回程返民宿，大家都成身大汗，於是先回房間洗白白，休息一下，下午一時到美味廚房吃這旅程的最後一餐午餐。吃過午餐，回房執拾行李和休息一會，三時多到大堂結賬和等候包車到來。可是接送我們的客車因塞車未能趕及回來接我們，於是由另一架車送我們到高速公路入口附近與本來接送我們的司機匯合，再由那位司機繼續送我們到羅湖口岸，離開平海沿路都很塞車，到了深圳也很塞車，最終差不多六時半才到口岸，幸好過關一切順利，入境後乘火車再轉巴士返家。
今日的早餐～油炸鬼
蟹粥，保持一貫的水準，好味
原來荔枝園係山邊的，落了車後要行幾分鐘才到，行去荔枝園時看到路邊的苦瓜田
主人家帶領我們上山
荔枝園入口，度門鎖住，要等園主嚟開門
哇～好多荔枝呀，任摘任食，好野！講真，這次係我第一次咋，睇下天氣幾熱，主人家係樹底下乘涼
四周都係荔枝樹，睇啱邊棵就摘邊棵，唔似啲旅行團咁，只係淮摘園中的指定一棵
粒粒都紅卜卜，好靚呀，不過原來呢個品種叫「黑葉」，外表要變深紅色味道才會好甜，所以呢啲荔枝未夠熟，不過都好好味
我們摘咗兩大籃荔枝，我們要咗幾斤荔枝帶返香港（當然要另外俾錢喇）
跟住去火龍果園，呢個果園係有機種植的，好健康架
係唔係好似仙人掌呢！火龍果實其實係屬於仙人掌科
火龍果花，不過佢只係在晚上才開，無緣睇佢開花
火龍果，綠色即係末熟
變咗紅色就食得喇～
主人家摘了個未夠熟的紅肉火龍果給我們食，在我們印象中火龍果係無味唔好食的，不過一啖食落去就感覺好多汁好甜，都係第一次食咁甜的火龍果
果園主人的私人珍藏，大的足足有500g重，細個的都有400g，我和朋友各買了十個帶回香港和家人分享
返到朗明休息一陣就食午餐，粟米豬骨湯
黃金蝦，唔洗剥殼架
蠔仔炒蛋
蒸奄仔蝦
炒通菜
青瓜炒豬肉，啲青瓜係今朝先係田度摘的
釀辣椒，啲辣椒只係有好少辣味，連我這個不食辣的也可以食到，成碟俾我們清晒
昨日摘的矮瓜，我和朋友各取了些帶返屋企，今日收穫真係豐富，除了矮瓜、荔枝和火龍果之外，還有昨天的香蕉和木瓜，真係多謝晒主人家
沒有留言:
張貼留言