去年平海的荔枝開花時下大雨，所以收成不佳，上年沒有機會到荔枝園摘荔枝。今年知道荔枝收成不錯，於是決定在七一長假期後的周末到朗明住宿探探主人家一家，順道去吃荔枝。今次相約了兩位朋友和我們一起到平海，我們付了訂金，安排了包車等事宜，靜心地等待著這天的來臨。
在安排交通時才知因深圳在八月舉行世界大學生運動會，這兩個月區內實施了交通限制，除了羅湖口岸外，其他口岸交通管制範圍很大，客車無法駛進上落客，於是唯有相約客車上午十時到羅湖接我們。
今早八時出發，先乘巴士到粉嶺，再和朋友匯合一起乘火車到羅湖，海關雖然有很多人，但過程十分順利，未到十時已過了海關，致電給司機告知我們已到了，可惜他還在塞車，結果到十時半才正式起程到平海朗明。在深圳有少許塞車，到上高速道路才開始暢順，經過了兩小時十分鐘車程，終於抵達朗明。
外觀沒有改變的朗明
大堂
今晚啡白熊入住呢間房
房間
洗手間
放好行李後就到美味廚房食午餐，好甜好美味的粟米
白熊最愛喝的紫菜湯
炒米粉，同以前一樣咁美味
生菜，好有菜味好好食，在香港食唔到
食飽後四周行下，呢張係 18人大枱配上旋轉盤，係主人家最近的傑作
上個月有幾位小朋友到朗明，主人家為了那幾位小朋友做的高身bb櫈
食飽後返房休息一陣就到農莊，農莊內有串樹上熟的香蕉，主人家攞齊工具把串大香蕉砍下起，我們即時品嚐，哇～好香好好味呀～
過了大半年農莊已經變了很多，種植了多種農作物，這個是冬瓜棚
冬瓜仔呀，唔知幾時食得呢？
又肥又大隻的獅頭鵝
在圍欄內的火龍果樹，這些是主人家新種的
開花喇，據主人家話這棵係黃色的火龍果，下次嚟一定要品嘗一下這個珍貴的品種
農田
粟米樹，呢個係日本品種，要等多個月才有得食
矮瓜田
啲矮瓜又靚又大條呀～
青瓜田
肥嘟嘟的青瓜
估下那啲係乜野，野草，唔係！
係辣椒先啱
呢度種咗乜野呢，唔講真係唔知，原來係幅番薯田
火龍果幼苗
上年10月時做的土窰雞上蓋，今日終於可以看到完成品
主人家知我們喜愛食矮瓜，於是就採摘了一些矮瓜今晚做餸
黃皮樹，樹上結了好多黃皮．味道唔錯架
木瓜樹，最下果個木瓜已經熟了，可以食得喇
主人家摘了兩個木瓜送給我們帶返香港，啲木瓜又香又甜，同街市買的真係差好遠
我們約了車在附近遊覽，三點出發，第一站係海龜保護區，我們只係在門口影下相就算
繼續上山就到雙月灣觀景區
雙月灣呀，今日唔係好多雲，視野好清，真係好靚呀，比上次上嚟睇真係靚好多，右邊的係東山海灣，左邊的係南門灣
南門灣係一個游水好地方，附近建了好多酒店
南門灣真係好長好靚，足足有成幾公里長
港口鎮，啲漁船捕完魚後就到碼頭落貨
好奇特的船，船身係用大膠喉通做的
船上放了好多海鮮
新建的酒店，係山上都見到呢間酒店
港口大橋
南門灣，今日唔係有好多人
南門灣真係好靚，不過由於沒有救生員，所以係度游水要小心啲，不過呢度啲水好淺，行到好出都只係到胸口
寺廟
平海古城西門
本來諗住行下平海市場，但係在南門灣附近正在大興土木起樓，在平海市內有好多大型工程車行駛，但市內的內街道路不是很闊，剛離開西門就遇到塞車，足足塞了差不多二十多分鐘，於是唯有取消行平海市場，直接返朗明。回到民宿，我們返房沖涼換件衫，然後到五樓的美味廚房食晚餐。
呢個係平海參煲豬骨湯，平海參只係個樣似人參，一啲參味都沒有
炒魷魚仔，廚師話今次無落蠔油，只係用醬油嚟炒，無之前的咁濃味，食到魷魚本身的鮮味，好美味！
白切走地雞，正式食雞有雞味，食魷魚有魷魚味
白灼蝦，啲蝦係游水海蝦嚟架，好鮮甜
炒蜆
美味白菜
釀矮瓜，啲矮瓜係剛剛係下午時在農田採摘的，真係即摘即煮，正呀～呢餐食得好飽，大部份都清晒碟，食完很滿足的晚餐便回房休息
沒有留言:
張貼留言