11年 遊寶蓮寺

日期 : 2011 年 4 月 16 日 (星期六、天晴)

　　上個星期去大澳時，想起已經很久沒有去寶蓮寺，於是這個周末再到大嶼山，今次搭23號巴士到寶蓮寺，唔坐纜車昂坪360，纜車來回車票要 $115，而乘大嶼山巴士單程都只係 $17.2，可以慳番成八十蚊；由東涌去寶蓮寺車程約35分鐘，今朝搭11:50班車，12:25就到寶蓮寺。

　　相隔多年，原來寶蓮寺已擴建了不少，穿過「南天佛國」牌樓，兩旁豎立了藥師十二神將，再向大佛的方向行，我們到售票處買了齋券，然後先去食齋，食飽後才沿長長的樓梯行去天壇大佛。經過努力行呀行！終於到達大佛，我們參觀大佛坐下的祭壇，然後再逗留一會，看看四周的風景，才下山去。離開寶蓮寺，我們到昂坪市集逛逛，才乘車回家。

東涌23號巴士總站

在落車的地方已見到兩架纜車，原來是國際纜車展．呢架係意大利Bruneck, South Tiro - Kronplatz

德國Garmisch Partenkirchen - Hausbergbahn的纜車

世界各地景點的指示牌


「南天佛國」牌樓是擴建後的新牌樓

背面是「嶼山勝境」

路的兩旁豎立了藥師十二神將

安底羅大將，是申時及肖猴之守護神，頭戴猴冠，手持寶鎚


迷企羅大將，是酉時及肖雞之守護神，頭戴雞冠，手持寶鈷


伐折羅大將，是戌時及肖狗之守護神，頭戴狗冠，手持寶劍


頞爾羅大將，是未時及肖羊之守護神，頭戴羊冠，手持寶矢


宮毗羅大將，是亥時及肖豬之守護神，頭戴豬冠，手持大刀


珊底羅大將，是午時及肖馬之守護神，頭戴馬冠，手持螺貝


毗羯羅大將，是子時及肖鼠之守護神，頭戴鼠冠，手持寶鈷


因達羅大將，是巳時及肖蛇之守護神，頭戴蛇冠，手持寶棍


波夷羅大將，是辰時及肖龍之守護神，頭戴龍冠，手持弓矢


招杜羅大將，是丑時及肖牛之守護神，頭戴牛冠，手持寶劍


真達羅大將，是寅時及肖虎之守護神，頭戴虎冠，手持寶棒


摩虎羅大將，是卯時及肖兔之守護神，頭戴兔冠，手持寶斧


「寶蓮禪寺」牌樓

「地壇」是寶蓮寺舉辦盛大佛教慶典的地方


具有迴音壁之功能

地壇是影大佛的最佳位置，睇下影得幾靚


大佛入口的三腳寶鼎，上面刻有「一國兩制」


齋券售票處，齋券分每位$60及$100，我們買了$60那種

寶蓮寺前的「回歸寶鼎」，是爲了紀念香港主權移交予中國而特別鑄造，鼎身有香港區徽洋紫荊浮雕，上有雲彩，下有海濤，寓意香港回歸後如春回大地，欣欣向榮

刻有前香港特區行政長官董建華的題字「香島春暖」四個大字


好大支香呀，紀念品店有好多開咗光的吉祥法物及各式禮品賣


福德祠，即係土地公公


韋馱殿，迎面供奉的是給人歡喜的彌勒菩薩，背後則是「將軍立地能成佛，菩薩天生善伏魔」的韋馱菩薩，殿堂兩側供奉著四大天王


大雄寶殿，後面時正在興建中的萬佛寶殿，大雄寶殿於1970年落成，殿內供奉「三方佛」：中間是釋迦牟尼佛（本土佛），左邊是藥師琉璃光如來（東方佛），右邊是阿彌陀佛（西方佛）。釋迦牟尼佛的左右兩側有兩近侍：老者為迦葉，少者為阿難。迦葉為佛陀十大弟子中之「苦行第一」，最能吃苦；阿難為佛陀十大弟子中之「多聞第一」，對於佛陀所說之法多能記誦


殿前的白玉觀音像


齋堂，呢餐啲齋菜全部都好正


交了齋券給職員後啡白熊係度等食


枱號後面寫了四句做人道理


古法老火湯


絲苗白飯，如果啲湯同飯唔夠食的話可叫職員添加，不過已經有咁多，都食唔晒


脆皮炸春卷，脆卜卜，好好味，可惜無喼汁啫

碧綠腐球片


彩虹滑豆腐，用來撈飯一流

冬菇扒時蔬，啲菜又爽又甜，啲香菇又好味，正～

如果唔買齋券，可以係度買野食，呢度都有好多選擇


一排排的香架，大大細細都有


食飽就四圍行下影下相，原來真係有人買咁大支香嚟拜神架


出發上天壇大佛


天壇大佛是全球最大的青銅坐佛，於1970年籌建。佛像約重250公噸，高34米，坐於三層祭壇上，以青銅鑄造，佛面淘金4斤多餘

大佛四周有6尊銅像環繞，名爲「六天母獻供」，供品分別是花、香、燈、塗、果、樂，代表六波羅密（佈施、持戒、忍辱、精進、禪定、智慧）。


請勿投幣！！中國人同日本人一樣，好鍾意投幣祈福


長樓梯，我哋就係行呢條咁長嘅樓梯上嚟


天壇，上面有班人係度影團體相，都話果度係影相的最佳位置


昂坪市集


昂坪 360纜車站


石壁水塘


行完寶蓮寺後當然要食呢度出名的山水豆腐花喇，有好多間店鋪都有得賣，最後揀咗呢間食


呢間店仲有其他野食賣


今日天氣好熱，我同白熊叫咗兩碗凍豆腐花，每碗$10，凍豆腐花一般都無咁滑，但係呢度的就好滑，好好味，唔錯


昂坪市集


市集內國際纜車展，最近的是奧地利Bad Kleinkirchheim - Nockalmbahn，西班牙Central Pyrenees - Sextas和巴西Balneario Camboriu, Santa Catarina - Barra Sul Laranjeiras

瑞士Grindelwald - Maennlichen Cable Way和中國雲南玉龍雪山

法國Haute Savoy L'Aup de Véran

今日都有好多遊客


昂坪自然中心


係市集可以清楚看到大佛


昂平市集吉祥物


靈猴影院，門券$36


旁邊的菩提許願樹，棵菩提樹好茂盛呀，行埋啲睇清楚，原來係假樹嚟架，唔知願望會唔會靈驗呢？

菩提許願亭，原來係市集推廣的手法，消費滿指定金額就可以得到一塊「繪馬」來許願


自由が丘，乜我哋去咗東京咩？原來係間甜品店


買咗杯朱古力雪花冰 $35


食完繼續行，又見到佢哋喇





與佛同行，門券 $36


在市集內正舉行「彈床琴音樂節」，在各個彈床上跳動，會發出不同的音調


纜車站


纜車，等咗好咗都唔見有水晶纜車，原來水晶纜車只係車底係透明，唔係成架透明架


今日天氣好好，嚟咗咁多次，今次影纜車影得最靚


售票處，單程要 $80，都係買來回票抵啲