11年 遊大澳

日期 : 2011 年 4 月 9 日 (星期六、天晴)

　　這個周末約了班老友去大澳，雖然已經去過大澳好多次，不過仍然覺得有吸引力，今次來的主要目的是以吃為主。我們約定早上10:00在東涌港鐵站集合，不過所有老友記都在十點前到達，並且去埋洗手間，未夠十點已經出發了。

　　我們乘11號到大澳，車程約45分鐘，到達時還未夠十一點，由於時間尚早，很多店舖都是剛開門，我們便四圍逛，過了橫水道橋沿吉慶街行去楊侯古廟和觀景亭，看完風景．影完相便回程經長堤行去今日食午餐的地方～東方小祗園。呢餐好豐富，真係好好味，食飽後再沿長堤行返去大澳永安街吃甜品，食完甜品買埋手信就乘巴士回程返市區。



我哋搭11號巴士10:05班車

到咗大澳喇


大澳鄉事委員會歷史文化室，嚟過好多次所以無入去參觀

跟住轉左到橫水道橋

橫水道橋


啲店舖陸陸續續開檔

有好多醬呀


吊住好多魚膠，個樣咁得意


呢個仲怪，原來係敏膠


吉慶後街的天后廟和關帝古廟






創龍社，裏面供奉土地公公

呢間屋的屋主係門前種了棵茶花


粉紅色茶花，好靚呀


路邊開滿了勒杜鵑，成棵紅卜卜，好靚


呢度仲多花


大部份的花都唔知係乜野花，不過朵朵都咁靚，唔知叫知叫咩名都唔緊要






呢盆花真係好靚，忍不住問下花主，原來叫寶蓮燈，可能太多人對呢盆花感興趣，在旁邊有張咭寫咗個花名


朵朵一樣色，靚到好似假花一樣



大澳棚屋


啡色的木條係用來建棚屋地基用的，條條木都好重，放係水度仲會沈添


路牌，右轉繼續行


前面就係楊侯古廟




回頭望吓大澳水鄉


楊侯古廟


屋頂的陶瓷雕塑公仔


曬紫菜，都係第一次見


湖邊小屋，係度渡假真寫意


在古廟旁的小路繼續行就見到呢個路口，跟住轉左


沿斜路行上去


觀景亭


係這裡可以望到香港國際機場




在涼亭旁有部免費望遠鏡，可以睇得更加清楚


回程時啲店鋪已經開門營業了，這店前曬緊的咸蛋黃


曬得耐會深色啲


好多野食賣，有紫背天葵和豆漿


自家制石磨豆腐


燒魷魚乾，好耐無食了，10蚊兩隻，唔係好貴，買咗兩隻嚟食下


碳燒架，好夠風味


有得食喇，辣辣地好嘢味，好好味


我哋沿巴士站旁的長堤行


紅樹林濕地


行到去南涌村，東方小祗園屋前種了好多疏菜


呢餐係老友前兩日打電話定了位和點了菜

「楠廬」是老闆一家居住的地方


坐低無耐就開餐喇，白焯海蝦，是老友在大澳街市買的新鮮蝦，再交廚師焯熟


齋拼盆


粟米粥，啲粥實在太好味了，一鍋點夠分呀，要叫多一鍋才夠食


羅漢齋炒麵


鹽焗雞，啲雞好滑好嫩，最緊要係一啲都唔肥，好鬼好味，成隻雞淨係食淨雞頭同雞尾，可想而知有幾好味


菜心，啲菜好甜好好味，是當地種的


生炒排骨，呢碟係我哋必叫的小菜，啲排骨炸得好靚，啖啖肉，唔似出面的舊舊都係粉多個肉


白焯角螺，都係係街市買嚟的，呢餐樣樣都好好味，食得好飽，我哋九個人一共食咗$780，真係又平又美味


我同白熊的戰績


行返去大澳時見到隻小白鷺企係長堤邊，今日難得見到有小白鷺，手快影番張相先


我哋係呢間車站豆腐花店食甜品，入到嚟當然要試下佢出名的豆腐花和芝麻糊


芝麻糊$10和豆腐花$8


買完手信後就搭15:25班車返東涌，然後再轉巴士回家