行程：酒店 → 成田空港 → 成田新勝寺 → 成田空港 → 香港
今日要返香港，以前幾次到東京的最後一天都係沒有安排行程，今次出發前在網上無意中給我找到在成田空港附近的成田新勝寺，於是安排在最後一日到成田新勝寺。
昨晚訓到半夜一時多給拍門聲噪醒，原來走廊有個日本女子喝醉了酒，在外大聲叫和拍門，幸好無耐就有職員阻止和帶走這位女子。雖然睡夢中給噪醒，但早上起來精神都很好，沒有受到影響。九時多時帶埋行李辦 Checkout 手續時，職員因昨晚的事不停地道歉，而且還退回一日房租給我們，其實我哋都訓得好好，真是有些不好意思。
離開酒店後，到ＪＲ新宿駅乘山手線到日暮里 190円，然後轉乘京成特急到成田空港。在出境大堂搵了很久都找不到 Locker，看過地圖後才知原來機場內沒有大型 Locker，不過就有行李寄存服務，把兩個行李喼寄存後，搞到差不多中午十二點才離開機場。
由成田空港可以乘ＪＲ或京成本線，ＪＲ車費比較平，所以就行去ＪＲ車站，不過入閘後才知下班車要等大半個鐘，於是打算出閘行去搭京成線，不過都擔心不可以即時出閘，但估且一試，最終失敗了。於是到服務台告知職員我們的情況，職員把張 Suica Card多過機一次，我地便可以出番閘，而且仲唔使扣錢添，不過出完閘後又要做安全檢查查護照，唔知啲人會唔會認得我哋兩個傻瓜呢！
我哋乘京本線到成田駅 250円，出了閘後見有間食店啲炒麵睇落幾好味咁喎，而且又有些餓餓地，坐低食個炒麵先繼續行。食完後本來打算行去新勝寺的，但旅遊書的地圖指示不清楚，唯有行去ＪＲ成田駅作起點，才開始行去新勝寺。由京成成田駅行回ＪＲ成田駅祇需兩、三分鐘，離開車站直行然後轉左，跟住一直行就到新勝寺，沿路兩旁除了有很多不同的店鋪外，在路邊還有十二生肖石像，真是一處旅遊好地方。
今朝早餐，兩條寿司卷
酒店退回一日的房租，無端端多咗八千幾円
今日一樣都係 5度，陽光普照，唔覺凍
成田空港出境大堂的行李寄存處
費用同用 Locker 差不多，不過就唔驚無晒大Locker
原來日本人會在機場寄存禦寒衣服，然後才上機去旅行
憑這張收據攞番兩個行李喼
京成成田駅
車站內掛著日式大燈籠
出了京成成田駅後見到這間食店
章魚炒麵睇落好好味咁喎，而且仲做緊特價，只係500円
落完 Order 後在店旁的枱櫈坐底等食，等了一陣就炒好，有得食喇～啲炒麵好好味，正！
食完野就行去ＪＲ成田駅，車站旁的觀光案內所
離開ＪＲ成田駅後直行，在前面路口轉左
沿這條路一直行就到新勝寺，路的兩旁有很多特色商店
仲有800米就到新勝寺
美容店前的招牌，很有創意呀
全木製造的日式房屋
瓷器店
甘太郎，所賣的紅豆餅很出名，旅遊書都有介紹
這間店其實已經唔記得係賣乜野了，不過佢門前的麵包超人和細菌人石像就很可愛
還可以坐底同麵包超人合影添
細菌人
睇番呢張相先記得佢係賣寶石的
路的兩旁有十二生肖石像，老鼠石像
豬石像，但點解會係隻野豬嚟呢
牛石像
烏龜？？乜有烏龜咩？
老虎
兔
龍
蛇
猴
狗，一點不都可愛
呢隻狗仲得意可愛喇～
羊
馬
雞
這間店前放了一對神像
很多玻璃公仔
有各種小動物，很精緻
行去新勝寺的路上有很多小食店，邊行邊食邊影相，行了約差不多一個鐘就到新勝寺，已經下午二點多了，所以祇在新勝寺前逛了一會，便沿路行返車站，下次再嚟的話，要預定多一小時才可以暢遊一番。乘京成本線約下午四時才返到成田空港T1，出閘後先到出境大堂拎返行李，把手信和外衣放入行李喼後，就到航空公司櫃台辦登機手續，將行李寄倉後就過海關，在海關不是太多人，很快就搞掂。行到登機閘口時還有少少時間，就在附近的食店食些小食，休息一下。今次是乘 18:15 達美航空返香港，架機準時起飛，返到香港攞埋行李已經十一時多了，很掛念屋企呀，於是快快乘的士回家，十天的東京之旅亦完滿結束。
鯛魚燒
買了個奶黃味的試下，唔～幾幾好味喎
成田ゆめ牧場
有熱鮮奶喎，買杯試下先
奶味好濃，飲完成身暖晒，不過都係覺得凍鮮奶會好飲啲
日式燒餅，只係100円咋，又買嚟試下
燒番薯150円，見好多人買，我哋又買嚟食
啲番薯好甜，好味
在途中見到有間觀光館，裡內除了有觀光資料外，還有洗手間，係度休息下都幾好
爆笑貓，呢隻貓公仔係笑得好誇張，好得意架
招財貓？今年係虎年，所以變咗招財虎
穿和服的招財貓，好大隻呀！
終於行到了新勝寺
総門
直行就到仁王門
寺前有好多小販，這店賣祈福用品
這個東西日文唔知點叫呢
岩鹽
還有很多檔小販
仁王門旁的燈
仁王門前掛著個壼蘆
成田市觀光巴士，本來都打萛在場機搭呢架巴士遊成田市的，但係夾唔啱時間，所以都係乘電車到成田市
天然ざっこ，好多魚仔呀
這裡有多間鰻魚店，這間將劏鰻魚的工場搬咗出門口，遊客可以睇到師傅劏鰻魚的熟練技術，唔錯呀！
這位哥仔係度整燒餅，原來啲燒餅係燒完後浸醬油吹乾就完成
なごみの米屋，好大間的手信店，入去睇下有乜野買
粟龍，本來想買返香港做手信，但店員話食用期好短，所以放棄無買到
改了買這款粟衣157円，食用期長少少，這兩款的饀都係原粒粟子
買了六隻裝 1071円
叮噹鍾意食的紅包燒餅，不過呢度的有原粒粟子
返到車站等車時見有些肚餓，在月台的麵包店買麵包食
買了兩個，我同白熊一人一個
返到機場，在登機閘口附近的Doutor 食小食
我要了熱狗，白熊就要了waffle，隻熱狗唔錯，幾好味，waffle仲有些脆
等上機時見到咁靚的日落，當然要影喇
在18號登機閘口上機
飛機起飛後，先送上小食果汁
跟住就係飛機餐，我的係蝦麵
白熊的雞肉飯
返到香港影埋今日的收穫先訓
沒有留言:
張貼留言