行程：酒店 → 台場 → 富士電視台 → 船之科學館 → 新宿 → 酒店
住宿：新宿アーバンホテル
今朝八時起床，食過早餐後就出發，因明天就要返香港，所以祇安排了到台場行下。在ＪＲ新宿駅乘琦奇線快速新木場行到東京テレポート駅 480円，這條線到台場只須 22分鐘，10:20就到，出了車站後，上天橋行三四分鐘就到Decks台場小香港，但係時間尚早，商場還未開門營業，於是先行去台場海濱公園影自由神像及彩虹橋。
影完後見有些肚餓，走咗去隔離的アクアシティお台場商場 5F的拉麵國技館食拉麵，拉麵國伎館內的拉麵店係日本出名的名店，同橫濱的拉麵博物館差不多，但係就不用入場券。今次選了博多季ちゃんラーメン，在自助購票買了食券後，就入去搵位坐，這裡的拉麵很美味，不愧係日本最強。
今日的早餐
今有氣溫有 5 度，加上有少少陽光，唔係好凍
行到去ＪＲ新宿駅時見到車站前有古物，以前好怱忙咁行去車站都唔多留意到添，這個係馬水槽，日本有形文化財產，建於昭和 61年
旁邊仲有隻獅子，不過就搵唔到有關資料
台場東京テレポート駅
跟住乘扶手電梯上天橋行去台場小香港
行三四分鐘就到台場小香港
商場未開，行去海濱公園影自由神像及彩虹橋
海濱公園， 時間尚早，公園唔係好多人
アクアシティお台場商場 5F的拉麵國技館
選了這間季 ちゃんラーメン
由於不是太肚，所以只係要了一碗豚骨拉麵和餃子
這間店全是由年青人打理
拉麵嚟喇，特濃豚骨拉麵 980円，麵質很彈牙，湯很濃味，可惜啲麵少啲，有些唔夠喉
一口餃(10隻) 500円，餃子太細隻了，食唔到啲肉味
食完麵後就行下商場，這些 USB 公仔係會郁的，好得意，不過後來在香港的 Log-On睇到有得賣
100円店
食完野後就去行フジテレビ(富士電視台)，之前嚟過幾次台場都無行過，今日有時間就行下，富士電視台的5樓，7樓係免費參觀，至於25樓的展望室就要入場券 500円。我哋先乘扶手電梯上7樓的屋上庭園，這裡除了是花園之外，還有一間紀念品商品，裡面有很多不同的產品，買完野後就返番5樓，5樓是展出電視台製作的卡通和劇集硬照，還有一些佈景。
台場フジテレビ(富士電視台)
電視台的吉祥物ラフくん
今日唔知係乜野日子，在電視台前面的空地建了幾間臨時拉麵店
很搞鬼的高達模型
開始入去電視台，在門口有部扶手電梯上7樓
7樓屋上庭園，這個狗仔很可愛，不過這套卡通片沒有在香港播放
紀念品店
有好多櫻桃小丸子毛巾呀，買番條返香港陪下黑白豬先
有唔少櫻桃小丸子卡通人物造型的商品
龍珠，播完好耐囉，呢度仲有佢的產品賣
野田妹的鋼琴袋，本來都想買的，但係要五千円，好鬼貴呀！
鬼太郎，唔係好多地方有得賣
這裡可以用電視台做背景同ラフくん影相的，而且還有當日的日子添，留作紀念真一流，我當然有同佢影相喇～
龍珠紀念銅章 100円
選了悟空細個時個樣
上25樓展望室的升降機，不過無上到去
買了野後就返落5樓，一入去就見到幾個公仔係度歡迎你
好得意呀，乜野嚟呢？裡面係部電視，正播緊卡通片
這個少女個樣都幾出位，可以坐係梳發度同佢合影，不過咁嘅樣就唔好搞我
呢度都有紀念品出售
回轉SUSHI，無睇過真係唔知係乜野
劇集的拍攝模型，做得好精細
櫻桃小丸子一家呀，仲有原稿大公開添，好開心呀
原稿
好大隻ラフくん
海盜船
紀念印，初初以為三部係唔同，玩完先知原來係一樣的，這些印只有ラフくん的一部份，要搵埋另一部紀念印機才可以印完整的ラフくん
行完5樓後就到地下行下，這裡有幾間紀念品店
地下有間便利店，這間便利店一樣有很多電視台的紀念品出售
在便利店前給我哋發現部紀念印機，可以印齊ラフくん喇
行完電視台後就到海邊的船の科学館參觀，我哋行去台場駅乘ゆりかもめ線到船の科学館 200円，祇需搭一個站，一出車站就係船の科学館，十分方便。科學館入場費 700円，在自助售票機買完票後就入去睇船，科學館內的B1至3F四層展廳、6F的駕駛室和12F的展望塔，展出的展品又多，真係有排行。由於對船的歷史不是有濃厚興趣，故在展廳祇行了約大半個鐘，就乘升降機到12F的展望塔睇風景，跟著回到地下的花園看看戶外的幾個展品。影完相後就到科學館旁的碼頭參觀宗谷，科學館的入場費是包埋參觀宗谷的。宗谷係日本第一艘南極觀測船，參觀完後，便乘車返新宿。
返到新宿後，行去飛鳥酒店對面的超級市場逛下，見到這裡有好大粒的士多啤利，我哋先買一盒試下，付款後在門口試吃一粒，哇～好甜好好味呀！於是再內進買多五盒用作手信帶回香港。買完野後就返酒店休息一下，約六時半再外出食晚餐。今餐到富士そば食晚餐，這間食店的食物味道不錯，而且價錢又唔貴，食飽後在便利店買埋宵夜就返酒店。明天是這個旅程的最後一天，吃過宵夜便執拾好行李才上床休息。
ゆりかもめ線台場駅
船の科学館，外形同真船一樣
在停車場泊咗部 Hello Kitty 旅遊巴士
孝子像
正門前的 Marine Shop
正門
自助售票機
700円一位，我哋選了兩枚，一共1400円
入場券
企鵝公仔，又幾可愛喎
入場開始參觀，這裡都幾大
有好多貨船模型
船的測試機，這是測試船底的外形阻力
船引擎，比車的大好多
呢部仲大部，有成兩三層樓高，大得好誇張
船控制台，這部機可以試玩下
台場以前的模樣，原來台場以前係船廠和貨運碼頭
二次大戰的大和號，長244米，排水量64000噸，真係好大艘戰艦
到12F展望塔睇風景，泊在碼頭的宗谷
羊蹄丸
還可以看到遠處的貨運碼頭
彩虹橋，原來係呢度可以影得咁清楚，可惜五點就關門，唔可以係度影夜景
在地下花園展出的船的螺旋槳，這個係真的螺旋槳
展品「明日的世界」，唔多明白真正含意，可能係展示日本與世界各國友好的表現
戰艦上的35口徑大炮
PC-18型潛水艇，這艘潛水艇能夠潛到200米~300米深的海底
潛水艇TANKAI
深海潛水衣
海底城堡步號1號
跟指示牌方向行去宗谷
宗谷
船內的斧頭，這是在危急時用的
船長室
食堂
當時在北極穿的保暖衣
跟住順路牌行
到了一個較大的地方，這裡有部電視播放影片介紹宗谷
船員寢室
駕駛室
旁邊的羊蹄丸
睇完後就行返去東京テレポート駅，在車站附近可以看到摩天輪
在車站前有免費巴士到台場各地，唔想行可以乘巴士
返到新宿有些餓，在車站買了兩個麵包食
在超市買的魚生 1000円，這些魚生很鮮味，好好食
富士そば，今餐就在這裡食晚餐
這店也是自助售票的
我的豬扒丼 460円，味道唔錯，仲有碗味噌湯添
白熊的親子丼そば套餐500円，唔大食的話這個餐可以夠兩個人食
士多啤利手信
今日的戰利品
宵夜，食埋先休息
沒有留言:
張貼留言