序 言
今年的新年假期連星期六、日有個多星期，所以就決定去東京過新年。 11 月初準備定機票去東京，但是年廿九出發的機位很多都滿了，而且很昂貴，於是決定訂早一天出發和早一天返港。到旅行社交了錢．出了機票後．就立即上網訂酒店。覺得上次入住的酒店『新宿アーバンホテル』地方清潔，而且價錢又便宜，這次旅程決定八天都住在這裡。
訂酒店的時候還未編寫行程，為了遷就所住的地方，最終決定行程環繞東京的熱門地點和近郊。
航空公司：西北航空
票價：$4600.00
雜費：$747.00
住宿費：68,000円
第 一 天
日期：2009年1月23日(星期五 年廿八 密雲)
行程：香港 → 成田空港 → 新宿 → 酒店
住宿：新宿アーバンホテル
不知是否因前一天執行李執到太夜的關係，今朝竟然瞓過龍，擔心趕不到搭 04:50 的通宵機場巴士，於是決定坐的士，今次可以舒舒服服去機場。
到了機場後，到西北的櫃位辦手續，checkin是自助形式的，在部機前弄了一陣才搞妥，寄埋行李就 OK可以過關食早餐。
就是用這部機自己辦 checkin 手續
原來今朝唔係太多人咋，早知就唔使咁早嚟喇～
行到其他航空公司也發現有這部自助 checkin 機
今朝大家樂早餐
就嚟可以上機喇
今次行程坐的飛機
味道一般的飛機餐
食飽後就要填寫入境表
架機比預計時間早了半個鐘頭，約 13:15就到東京，而且海關又不是很多人，好快就搞掂。去新宿今次坐最平的京成特急，車費 1160円，落到車站第一件事就是幫張西瓜咭(Suica Card)增值，在東京用西瓜咭好似香港用八達通一樣咁方便，如果沒有的話，下次去東京時可以考慮在機場買 N'EX 特急 + Suica Card 特惠票，這張咭仲係紀念版添。
去到日暮里轉山手線到新宿，以前在日暮里駅轉車要托個大喼上落樓梯，好不辛苦，現時已經裝了扶手電梯，以後都唔使再做咕喱了。
差不多四點就去到酒店，checkin後放低行李就去行街喇。記得Told You 瘋話在歌舞伎町的橫街有好大隻的即燒的大虎蝦，於是在橫街周圍行，好快就搵到，買了一隻鹽燒虎蝦，聽到師傅話佢燒熟要十分鐘，於是在附近行了一陣，返到去已經被燒熟包好等緊我哋食喇。
食完美味的大蝦後就去食晚飯，在東京食的第一餐也是Told You 瘋介紹的金太郎，唔知係唔係太累和剛坐完飛機，食落都唔係咁鮮啫 (之後再食，原來真係好鮮味架）。
係行李帶附近放咗好多好長的行李，唔知係乜呢？
今次坐 14:22 的特急
架車未到，買支"暖"野飲下先....唔～～おいしい
架車到喇，唔好掛住飲野呀，記得攞行李上車呀～
搵到鹽燒大虎蝦喇
d蝦每隻 580円，仲有帶子及海螺添
燒好喇，原來真係好大隻
行完街就去金太郎
這裡是自助售票的
買了票，俾張票個店員，就可以等食
自助茶水間，有冷熱的綠茶供應，好方便
等一陣就有得食，我要了海鮮丼
白豬當然要好美味的海膽丼，成碗都係海膽，利害
真係好肚餓，食到一粒飯都無。食食吓就見到隻碗印有"金太郎丼"，唔～我諗隻碗都唔平
跟住就去咗酒店後面的超市赤札堂，第一次去這間超市，睇旅遊書只是話係一間好普通的平價商店，點知去到後才知原來是一間食品超市，有很多野賣的，買了帶子刺身同杯麵，跟住返酒店休息。
而家京王的 AV 無以前咁多，只係得這裡的
原來佢都有超迷賣
返酒店時在樓下買了隻鯛魚人形燒食
幾新鮮喎.... 其實係整咗好耐，個皮已經硬晒，不過一樣好好味
係超市買的帶子刺身，又大隻又鮮味，正～
今日的收穫，全部都係食野
宵夜～便利店的蛋糕甜品，比香港的麵包店賣的好食好多
仲有乳酪，今餐真係豐富
補番酒店ｄ相先，這間就是會住八晚的酒店新宿アーバンホテル
枱頭放了張人手寫的問候字條，好溫馨
今次行程是訂了セミダブル(兩人床房），張床係四呎床
間房都唔係好細
最緊要係個洗手間，雖然細咗d，但就很清潔，OK
沒有留言:
張貼留言