第 二 天
日期：2009年1月24日(星期六 年廿九 密雲 5-9度)
行程：酒店 → 駒込 → 旧古河庭園 → 巢鴨 → 鬼子母神
→ 池袋 → 新宿 → 酒店
住宿：新宿アーバンホテル
因昨天太累的關係，今天瞓到九點多起床，梳洗後11點多才出發。還沒有食早餐，於是決定早午餐一齊食^0^。午餐在歌舞伎町 Told You 瘋介紹的 とんかつにいむら 炸豬扒定食，這間食店是賣日本黑豚肉的，我們點了午餐特價炸豬扒定食（當然唔係黑豚肉喇），ひれ(瘦豬肉) 930円及ロース(肥豬肉) 880円兩款；佢地係即叫即炸，十分新鮮，皮脆肉嫩，十分鮮味，本來兩款都好好味，但係食過ひれ之後再食番ロース，就會覺好肥及d肉有些"鞋"，所以我推薦大家食B餐ひれ定食。
食飽後就去今日的第一個站『駒込』，行下日本式庭園及商店街。由新宿坐山手線，在駒込駅落車，車費 160 円，張西瓜咭已無乜錢，出發前同佢增值先。
到站後，一出駒込駅．就有清楚的指示牌，於是就向『旧古河庭園』出發。行了半個鐘，過了幾個路口及商店街後發覺唔多妥，越行越靜，沒辦法．只好沿原路返車站。到了商店街街口看過地圖，原來要在商店街口轉右才對，找對了路後繼續行程，行十分鐘就到，入場費每位 150円。
旧古河庭園是調和西洋和日本的歷史有名的名園，原本是明治的元勳陸奧宗光的別邸，不過，宗光的次子成了古河財閥的養子時，成為了古河家所有。當時的建築物現在已沒有了，不過，現在的洋館和西洋式庭園的設計，是親自設計鹿鳴館，尼克萊（Nikolai）堂等的英國人建築家約西亞‧肯德爾(Josiah Conder，1852-1920) 所設計的。日本式庭園，是由被稱為近代日本庭園先驅者的京都園藝師小川治兵衛(1860-1933)設計的
今朝得六度咋，好凍呀！
歌舞伎町早上的街頭，好大隻猩猩呀
好大個廣告牌，是夜店出名的男招待
原來這裡也有小肥羊的分店
今日早午餐就在這裡食
特價午餐的餐牌，B餐930円是最好食
連紙巾都有佢嘅Logo
A、B定食個樣一樣，食落就好大分別，B餐的又嫩又瘦，正～
味千拉麵在這裡也有分店，不過就係一間好細的食店
天氣凍，新宿的白鴿隻隻都好肥
到了駒込，一出車站就見到間超平的店舖，後來發現不在旅遊區的店鋪所賣的貨品平好多
一出車站就是商店街，好多野買呀
好得意的眼鏡店招牌，之前都見過，但這個是有眼睫毛，好Q～
行下行下就行到這條霜降銀座商店街，亦是在這裡行錯路
在這裡有兩間食物超市，貨品又平又新鮮．68円一條的即燒番薯，好平呀
士多啤利只係398円一盒，好平呀
即食的帶子也只是380円，如果不是咁飽一定會買嚟食
好靚的士多啤利呀，忍唔住買了一盒嚟食
哇～真係好甜好正呀，好大又多汁，條街未行完已經食晒，太好食呀～
你地睇下係唔係好靚，粒粒紅卜卜
又係睇謎語，這個是乜野店舖的幡布
原來是一個針灸店
乜原來日本人在成人式會去影樓影相的... 好多靚女著住和服影成人式相
越行越靜，得番ｄ民居，好古典的日式房屋
屋前睇到這個得意的警告牌
終於到了旧古河庭園
地圖，你估下係在那裡呢？
原來是路邊的路牌
售票處
有紀念印呀，快d攞本白簿嚟吸印先
門券及介紹小冊子
園內的地圖
這是重建的西洋房屋
好美的日式庭園
你哋估吓係間乜野屋？
係好現代化的洗手間
好Q的雪榚仔呀，估下掛係邊度
就係掛係公園內唯一的小食店，那位姨姨好好人，雖然不是太懂英語，仍然巴巴結結的跟我們溝通，而且仲好主動幫我地影相添
係小食店望向這座洋館仲靚
參天古樹，可想而知這裡已經有好多年歷史
在日本通街都有飲水機，如果不是不敢飲生水，真係可以慳好多
回程途中的一間地藏菩薩廟，這間香火好鼎盛
唔知日本係唔係真係好多風化案，好多防狼器賣
肚仔餓餓地，買個和菓子食下先
綠茶紅豆味，正～
一疑案，一件外套在街下不知倒地無人理
原來係瞓咗係間時裝店門外，但係間店又無呢ｄ外套賣，真係唔知搞乜鬼
好古老的日式湯場（浴場），好大支煙囪呀
出了車站看過地圖後，好快就找到目的地『地蔵通り商店街』，原來今日剛好有祭祀，成條街十分旺及多人，十分熱鬧。
車站旁的石碑，唔知佢寫乜呢？
車站旁的食店門前，好長的龍呀，點解會有咁多人排隊買大福菓呢
終於到了『巣鴨地蔵通商店街』喇
個封路牌好有京都風味呀
蘿蔔超人嚟喇
今日唔知係乜野節日，條街有好多小販，呢檔係度燒魚，賣乜野呢？
燒得好香呀，流晒口水，原來係賣魚的小販，燒嚟俾人試食
大阪燒，乜東東，即係台灣的紅豆燒餅
這裡又有條龍排隊買塩大福，真係好好食咩？
商店行的地圖，仲有埋都電荒川線的車站位置添
地蔵商店街，當然有間地蔵菩薩廟喇，有廟就一定有聖水喇，洗淨一下先好去拜神呀
哇～好多燈籠呀，這間地蔵廟好大間啊
日式炒麵，去過日本咁多次都未食過，今次有機會喇
300円盒，仲有隻蛋添，好平呀
排了十多分鐘終於到我喇，大盒d唔該呀靚仔
真係好大盒呀，好彩係同白豬一齊食姐，唔係今晚唔使食飯
原來日本人也興著紅色內衣褲，這裡有間專門店
餡餅，即係乜野.......
原來即係中國的燒餅
街尾仲有間神廟，無入去睇，唔知拜乜野神呢？
由街頭行到街尾用了一個多鐘，在街尾乘都電荒川線電車由庚申塜駅去鬼子母前駅，落車後就去拜神，那知去到鬼子母神時剛好拉閘關門，原來日本的神社是很早就關門的，下次要小心留意時間。
庚申塚駅，每程單一收費 160円
電車與馬路的交匯處，在東京是好少見的，影張相先
架車到喇，真係好似輕鐵
司機哥哥任影，只要唔用閃光燈影響佢就可以
到站要落車喇，下一個站係～鬼子母神前
落車睇下個地圖先，啊，原來係要咁行咁行，行三分鐘就到
一離開車站就見到路牌，今次唔會行錯路喇
唔好拉閘呀，我未入去呀～
原來五點鐘就拉閘不過無放狗，下次要早d嚟喇
寺廟前的石像～雑司ヶ谷
好多地方都會有出現雀仔公仔
無得拜神只好走喇，由鬼子母神行十分鐘就返到池袋，今晚的晚餐去池袋劇場隔離的若貴迴轉寿司食，每碟 136円，抵食～食飽後就去東急散下步睇下野，行了一陣就坐車返酒店休息。
自從食過這裡的壽司就一直忘不了，而且裡面仲有會講普通話的侍應，叫野食就方便好多
黑白豬開餐喇
好美味的壽司啊，碟碟鮮美十足，今次可以食個夠本
第一次食馬肉壽司，有d緊張，不過食過就...... 有些難食
唉！兩隻豬加埋都係食咗十二碟，真失禮～
食完就去東急百貨，這個是電子錢箱，送俾細路哥儲錢就最啱
晚上的新宿
臨返酒店前去便利店去買野飲，日牌的益力多，比香港的濃味好多
今日的收穫，原來無乜買到嘢
沒有留言:
張貼留言