第 一 天
日期：2007年2月17日（星期六、大除夕、陰天）
行程：香港 → 關西空港 → 大阪 → 酒店 → 海遊館 → 心齋橋
→ 酒店
住宿：Comfort Hotel
舊年十二年月買了去大阪的農曆新年五天加班機套票。在16日晚上十時多就起程搭機場巴士，因為今次是坐半夜01:45機，去到機場不是好多人，很快就辦妥手續，過埋海關在登機閘口等上機。
班機準時起飛出發，本來想在機上訓一陣，但係坐在椅上點都訓唔著，雖然好累好眼訓，但結果都係眼光光咁坐到落機，看來我是個不適合坐通宵機的人啊！
早上五時就到達大阪關西空港，海關內只有我們這班機的人，所以好快就過了關拎埋行李，正～出到機場未夠六點。跟住路牌指示行去車站，先乘扶手電梯到三樓出境大堂，在出境大堂的平台隔離就是南海本線的車站。由關西空港去大阪難波駅車費 890円，在購票大堂看到有 OSAKA海遊きっぷ 出售，包海遊館入場券 2000円及南海本線去難波 890円，另外仲可以整日係大阪任坐電車添，都只是 2850円，真係好抵，於是買了這套票，今日決定去海遊館睇魚魚及企鵝。
在閘口的售票處買了套票後，就到月台乘南海本線空港急行到南海難波駅，車程約四十幾分鐘。到了難波駅，轉乘御堂筋線到心齋橋駅，這程因為買了OSKA海遊きっぷ，所以不用另外買車票，到了心齋橋，好好彩找到一部升降機直上地面，不用托住個大喼行樓梯。
這是第一次來大阪，上到地面，見到全是陌生的街道，好彩帶備了指南針及地圖，找到正確的路後就開始起程，行了一陣就見到有蓋的心齋橋商店街，跟住過了大丸百貨後轉左，過了兩個街口就搵到 Comfort Hotel；這間 Comfort Hotel 是在橫街內，好彩出發前做足功課，唔係就真係有排搵。
在酒店 Checkin 後放底行李都未夠九點，跟住出發到海遊館，在大阪主要是乘大阪市交通局的地鐵，但在車站是沒有路線圖提供的，好彩預先在交通局的網頁 Print 定路線圖。先乘御堂筋線到本町駅，然後轉乘中央線，在大阪港駅落車，行五分鐘就到。在海遊館旁邊仲有天保山大観覧車、観光船サンタマリア及天保山マーケットプレース，真的可以玩足一日。
到了海遊館後不知應該點入場，好彩在入口有懂普通語的服務員講解，原來在售票處用OSKA海遊きっぷ換入場券就得，十分簡單，換了入場券後就入場參觀。在通道上見到有隻好大的立體鯨鯊公仔，可以排隊同佢合影，我當然唔會錯過，不過在排隊時見到除了幫你用你部相機影相外，佢地還會用部大相機同你影多一張相，我諗應該要收費的，但是已經排了隊，唔好諗咁多，到我哋就開開心心咁影相。影完相後工作人員給了我一張有號碼的票，看過了票上所印的資料後，知道原來佢會幫你晒相，不過你可以唔買的，心大心細唔知買唔買好，都係唔好諗咁多，玩完先算。
這個海遊館其實是一個大魚缸，養了很多大小不同的動物及魚類，行了個幾兩個鐘才行完。行完到出口，已有職員拿定我哋的相片等緊我哋，每張一千円，見相片又影得幾好，於是買了留為紀念。如果唔買會點呢？原來佢會放係櫃台度做相版，咁咪嚟親呢度既人都會睇到你個樣囉。
香港機場大堂過年的攞設～金鯉魚
離鏡大堂的味千拉麵
今次係 21 號閘口上機，乘 JL8702 半夜 1 點 45 分班機
今次帶咗 Hello Kitty 一齊去
零晨機原來係無飯食的，飛機餐係米粉小食
個盒下面有塊保溫石保溫，唔錯
南海本線路線圖
這裡有專賣去難波的自動售票機
OSKA海遊きっぷ及說明書
張套票好似香港的地鐵飛
車站月台的商店
剛剛有架車係月台
原來係空港急行，咁上車搵位坐先
車內有路線圖，不過都幾複雜
心齋橋商店街，到了這裡搵酒店就易好多
Comfort Hotel 的大門
在車站的小食店買了兩個飯團做早餐
到了大阪港駅後一落車就見到有指示牌去海遊館
途中在便利店買了明治的乳酪食，味道一般
遠處的就係海遊館，行多兩分鐘就到
過了馬路後會先見到大觀山
天保山マーケットプレース
在地面有好清楚的指示
終於行到了海遊館
海遊館入場券
入口處
館內養了好多不同的魚類及動物
雀仔，唔知係乜野品種
樹懶，佢真係好懶，睇咗佢好耐都無郁過
這裡連蜥蝪都有
好多企鵝，佢地真係好活潑
館內也養了不少珊瑚
章魚，有保護色，你哋睇唔睇到呀
有好多龍蝦，隻隻都好肥美，睇到流晒口水
在館內中間有個好大個魚缸，有四五層樓高，養了好多大魚
好大隻的鯨鯊呀～
這個潛水員係度做乜？原來係清潔緊個魚缸
大石班
龍躉呀
魔鬼魚，真係好大條
鯊魚，唔知會唔會吃其他的細魚呢？
另外的細魚缸內的巨型長腳蟹
水母館
好靚靚的水母
雕像
世界最小的魚，因真係好細，影唔到
這裡有紀念印呀
行完就去隔離的紀念品店買下野
海遊館和菓子
紀念金幣，530円一個
天保山マーケットプレース的食店門前的多拉A夢
日本邊度都有的 Hello Kitty
鬼太郎的一反木綿
好多大阪限定版的章魚燒
なにわ食いしんぼ横丁
一入橫丁就朏到這架三輪車
好大隻青蛙
好古老的電話，唔知打唔打到電話呢？
電影海報
蟹鋏理髮店
這間是賣炸包的專門店
157円的咖喱包，好好味架
白雪士多啤利，其實係用白朱古力包士多啤利，做手信一流
這裡有舊版的枝裝汽水賣
大阪紀念章，等我扭番個先
七福神社，乜好似隻貍貓咁
大大支裝可樂
大大杯雪榚，真係有排食
約三點多就離開酒店，行分幾鐘就到道頓堀，十分方便。今日的午餐在蟹道樂食，蟹道樂是一間食長腳蟹的專門店，在全日本有佷多分店，今次我哋在道頓堀的中店食，店內最抵食的是午餐，只是千幾二千円就有，不過就只供應到四點，因我們好肚餓，而且又想試多一點，所以就點了一個午餐及一個會席套餐 6825円。食飽後就行下道頓堀，這條街真是大阪的食街，整條街上有很多不同的食店，晚上十分熱鬧。
之後就去心齋橋行下，係心齋橋當然要行下 Hello Kitty 店，這間店一共三層高，有好多 Hello Kitty 的物品賣。行完就去行大丸百貨的地庫，那裡全層都是賣食品的，在那裡賣的士多啤利都唔平，但係我哋係第一次係日本見到有士多啤利賣，所以買了一盒來試，不過食後才知不是那麼甜，有點失望。行完後就在心齋橋附近行，約九點半覺得有點餓餓地，於是到一間烏冬店はなまるうどん（花丸烏冬）食晚餐，這間店是自助形式，自己攞食物，食完要自己將托盤及碗筷放在返却口，還有冷熱水綠茶任飲；這裡的烏冬十分彈牙美味，溫泉蛋又十分滑，不過就係凍，唔係好慣。食完晚餐係附近行多陣才返酒店休息。
蟹道樂的門口，玻璃門上都有長腳蟹的圖案
在店前的食物模型，真係見到流晒口水
筷子托都係長腳蟹
點了菜後就嚟前菜，杯綠茶係好香好好飲架
d 野嚟喇，淨係掛住食，只係影咗呢張相，長腳蟹的長腳（熟的），好鮮甜呀！份會席套餐仲有火鍋，炸物，蟹飯，最後就會蟹湯煮粥添，好飽呀
晚上的道頓堀
這間是本店，門前的蟹係大隻 d 架，而且隻蟹仲會識郁添
在百貨公司買的士多啤利，第一次食日本士多啤利，不是好甜，仲有些酸酸地，好失望
食晚餐的烏冬店 はなまるうどん
係門口睇定個 memu 先
這裡的溫泉蛋係好出名，真係好滑
只係當宵夜，所以只點了一碗烏冬同小食
在見遊書上一定有影這個大公仔
好大個口呀
赤鬼，已經收咗工
金龍拉龍
牛奶妹呀，原來在心齋橋有佢的分店
今日係百貨公司買咗的馬油鹼，日本的冬天十分乾燥，這幾日沖涼就係用佢
酒店的兩人床房的床不是太細，而且幾舒服
沒有留言:
張貼留言