chris 的小小世界: 16年中秋四國五天自由之旅 Day 1

日期：2016年9月14日 (星期三)(天陰有雨)
行程：香港 → 高松機場 → 高松駅 → 酒店 → 栗林公園 → YOUME高松 → 酒店
酒店：東横INN高松兵庫町

　　今日坐 07:55機，很早就出發乘的士到達機場，香港快運的櫃台很少人，很快便辦完登機手續。由於時間太早，二號大樓海關還未開，要行去一號大樓過海關，咁就順便邊行邊影下『漫遊都市 @機場飛行狂想展覽』。到了登機閘口 525還未夠六點，唯有四圍逛下，影下相，捉下精靈，打發時間。

　　由於要搭接駁巴士上機，07:10便開始排隊登記，一切非常順利，班機準時起飛，抵達高松機場，過埋海關先啱啱好 12:45。跟住用自助售票機買機場巴士票，旁邊有專人幫手，很快就買到；機場巴士已在等緊我哋，司機服務很好，看看巴士票確認無上錯車，跟手就幫我哋放好行李，可以舒舒服服坐到高松駅。

早上的香港快運，很少人，不用五分鐘就辦妥手續

行李磅，下次可以在Checkin 前磅下行李喼先，咁就唔怕會超重

行去一號大樓時見到有李小龍漫畫展

好神似呀！

影相點，有乜野呢?

李小龍呀！

過了海關後第一件就係行去斟熱水，今次我哋在北面海關出境，過了海關就見到指示板

落咗扶手電梯後，跟住指示板繼續行

今次只是用了三、四分鐘就搵到，比以前快好多，以後都係在北面的海關出境

有紙水杯供應，飲水好方便

初初還以為要乘無人駕駛列車，原來落一層後轉個彎就到

時間太早了，咁大個大堂得三幾個人

新建的大堂設施比較齊全，座位上有充電設施，可以坐係度舒舒服服玩下手機

這個剛好要維修

旁邊還有充電站，唔怕無得充電

收費電話

新款電話，大鄉里未見過，除了用硬幣外還可以刷卡

今日的登機閘口 525

太無聊，落去無人駕駛列車影下『漫遊都市 @機場飛行狂想展覽』，原來這裡也有熱水機

同 15號閘口果部一樣，而且有水喉洗手和抺手紙

竟然還有冰粒提供，咁好設施，要給個「讚」

另一部熱水機在北衛星客運廊離港層

無人駕駛列車的幕門上全是『漫遊都市 @機場飛行狂想展覽』的漫畫

影完相，白熊心滿意足，返回大堂等上機，小食亭終於營業

睇下有乜野食先，哇！好貴呀！好彩帶咗早餐嚟食

外面泊滿了接駁巴士，應該好快就可以上到機掛？！

今次多咗個告示版，不可以在機上使用三星Note 7 手機，驚會爆炸喎！驚驚！上到飛機都有廣播提醒在飛機上要全程關機

上機啦，好開心

要行樓梯上機，腳仔唔好都好麻煩

在機上無野食無野飲，好無聊，嗑眼瞓，填下入境紙打發下時間；日本入境紙改咗版變得簡單好多，好快就填完

在機上買了四國JR PASS（ALL SHIKOKU Rail Pass），在日本當地購買要 9,000円，在海外購買只係 8,500円，在香港快運飛機上購 HK$590.00，平好多

離開禁區就見到有旅遊小冊子攤位，攞份睇下先，有好多小豆島的資料，可以參考下

過了海關第一件事係買野飲，之前斟果壼水一早已經比我哋飲晒

各大租車公司在這裡都有櫃台

我哋先買巴士票，好多人買緊，排隊先

自助售票機，好多制，未睇清楚已經有服務員行埋嚟幫手，問了目的地人數入錢，不用十五秒就完成

好多巴士係度等緊

在 2號のりば乘巴士

機場巴士票 760円

原來日本公共交通工具是禁止使用手機通話，收發短訊和打下怪獸就無問題

落車鐘，要落巴士就要先按下佢

　　機場到高松駅約 45分鐘車程，如果直接返酒店應該在兵庫町站下車，一來我哋事前沒有搵好資料，加上諗住先到車站換JR PASS，所以多搭了三個站，在高松駅站才下車；到了高松駅，先到 Warp兌換四國 JR PASS(ALL SHIKOKU Rail Pass)，再到車站的綠色窗口(みどりの窓ロ)預訂三天後的車票，一切搞妥後，在車站二樓食埋午餐，才到酒店 Check in。

　　東横INN會員可以在15:00 Check in，辦妥手續，比埋兩日房租 15,120円，上房休息一陣，便出發到第一個景點～栗林公園。

巴士內有路線圖，停邊個站一目了然

兵庫町站，旁邊就係東橫Inn 兵庫町酒店

高松駅巴士站，我哋係呢度落車

向前行就係高松駅

車站前廣場有個海水池，看資料話利用潮汐漲退把海水引入池內

高松駅，個哈哈笑好可愛

這個是不是棋盤呢？

車站旁邊的超市 Aceone (エースワン・サンポート高松店)，間超市好大好多野買，臨走時可以大血拼

在車站通道向前行，一直行到尾

Warp 高松店，在這裡換 JR PASS

正門，這間店原來係旅行社，門前放了很多旅行團的資料

三天四國JR PASS

換咗JR PASS後，經通道行番轉頭，在綠色窗口預訂最後三日天的指定席，我未出發前預先做了預定指定席的班次資料，給服務櫃台小姐跟住預定，很順利就訂好車票，真開心！ (之前搵資料時，見到有網友說有職員硬要填寫訂票表格，起初有點擔心)

最後三天的車票

麵包超人列車真的很難預訂，幸好成功訂了兩天的麵包超人列車

看清楚，要有寫住「ANPANMAN」才是麵包超人指定席

訂完車票記得問職員攞番本紀念印收集簿

簿內有麵包超人列車資料

仲有列車時間表，可以直接用這本簿手指指預訂，車站職員就知你係想訂麵包超人列車

車站內的便當店

這裡有麵包超人便當，好細盒，我要食幾個先夠飽

便當店有玩具賣，真係特別，有多款麵包超人列車模型等緊你帶佢番屋企 :-)

土讚線アンパンマンオレンジ

土讚線アンパンマングリーン

瀬戸大橋アンパンマントロッコ

連垃圾箱也有麵包超人

已經下午兩點多了，好肚餓，在車站二樓食午餐

乘扶手電梯上

這裡有多間食店，最後揀咗呢間食

點完野食啡白熊就研究下個葫蘆入面係乜野？

有野食啦，我的淨烏冬 480円，白熊的牛とじ丼定食 1000円，烏冬很彈牙，味道就一般，食完白熊話好口乾，在日本食咁多餐，第一次吃到令人口乾的味精！！

店內有 WIFI，食飽捉下精靈先

高松車站內有麵包超人遊樂場，見有時間先搵下在那裡

原來在二樓，一入車站就見到

要行樓梯喎，唔怕，在二樓的餐廳可以行去

已經好晏了，係時候行去酒店 Check in，由這裡直行

青鬼呀，一點也不可怕，還很可愛添

地庫單車駐輪場

可以直接踏單車落去，很方便

過馬路後在便利店再過對面馬路

直行到尾跟住轉右，一直行就到酒店

武士圖案的水渠蓋

路面分開行人路和單車路，這裡有好多單車，而且開得很快，所以盡量唔好行單車路

幾分鐘後就見到酒店

酒店正門

酒店飯堂，明天就在這裡食早餐

Check in時在櫃台攞需要的個人用品

自動售賣機和貯存睡衣消毒衣櫃

洗衣機同乾衣機

有洗衣粉出售，只係 30円

冰粒機，日本人真的很喜歡飲冰水

下面果包係櫃台職員給白熊的小禮物

房間都幾大，張床有成五呎，打橫瞓都得

大型行李喼行可以放入床底

化妝枱

浴室

WIFI的密碼在電視上顯示，如果無留意這張告示就上唔到網架勒

　　今天有半日行程，第一站是到栗林公園，在酒店對面的兵庫町巴士站計劃乘西迴‧ショッピング・レインボー循環バス，到了巴士站後看一下時刻表，原來要等二十幾分鐘，於是改變計劃，總之見巴士車門旁有顯示栗林公園就上車，等咗一陣就有車，車程約十分鐘，車費 240円。16:20到達公園，用自助售票機買了門券，跟職員要了中文的簡介資料和地圖，便開始遊覽。

　　栗林公園是位於香川縣高松市的日本庭園，被指定為國之特別名勝，也是高松歷史文化道的一部分。公園是借景於紫雲山，擁有6個水池和13座築山的大名庭園，由南庭的回遊式庭園和北庭的近代准西洋式庭園組成。面積約為75公頃，在所有指定為特別名勝的庭園中是最大的。

　　儘管公園名為「栗林」，在建園早期，院內以松樹為主。早期在北門附近曾經存在栗樹的樹林，但由於過度採伐而消失，另一說法是為了便於狩獵野鴨而被清除。園內除了松樹，也植有櫻樹，故在春季可以賞櫻。園內還有梅樹170棵，採摘的梅子可用來釀梅酒。

　　行咗一陣，天開始下雨，唯有擔遮再繼續行程，行了個半鐘，終於行完。跟著行返下車的巴士站搭 18:03巴士到下一站 YOUME高松，車程約10分鐘車費210円。

　　YOUME高松實在是個很好的 Shopping地方，如果有時間，可以行一整日。YOUME裡面有不少座位可以休息，在超市買了晚餐，搵個位吃埋晚餐才離開。回程巴士比較疏，等到八點多才有巴士。落車後，在酒店旁邊的Lawson買宵夜回酒店吃。明天要到小豆島，今晚吃過宵夜，梳洗後便快快上床休息。白熊話小豆島，我哋快來探你嘞！　　
　　
路面有多幅動物瓷磚，仲有英文名稱，想提高市民的英文水平？！