行程：酒店 → 追尋櫻桃小丸子漫畫足跡 → S-Plus Dream Plaza → 小丸子樂園 → 酒店
今天原本的行程是乘坐小丸子彩繪列車和追尋櫻桃小丸子漫畫足跡。離開酒店行幾分鐘，到達新靜岡駅。先到票務處買小丸子列車模型，一盒兩架列車 3600円，之後購票入閘，準備坐小丸子彩繪列車，和彩繪列車合照再到小丸子樂園（ちびまる子ちゃんランド），除了門券有九折外，還可以得到小丸子襟章。
列車預定開 10:56，但係夠鐘都未見到小丸子列車，只係見到架新型號 A3000列車到站，到票務處看看，見到告示板話今日沒有小丸子列車，點解會咁架？沒法只好繼續行程。（原來我看錯日子╥﹏╥）
今日我的早餐
白熊的，兩份早餐一樣，雖然選擇不多，幸好都幾好味
酒店對面有個好大的公園～傳馬公園
一早就有學生係度上運動堂
靜岡市路邊種了好多繡球花，剛好係開花季節，啲繡球花開得好燦爛好靚
路邊也種了其他不同的花，逛街也是一種樂趣
駿府城浪漫巴士，一共有兩架，一紅一綠，今朝遇見紅色
平交道
呢間職業介紹所係「絕對內定」，咁搵工一定無問題，我都想搵佢幫下手^o^
新靜岡駅上蓋的商場～Cenova（新静岡セノバ）
商場地庫係超市 Sbizutetsu Store，三樓係 Tokyo Hands，四樓係 Nojima，有排行
車站對面的便利店
日本人很喜愛飲咖啡，連便利店也有即磨咖啡出售
小丸子列車模型 3600円，車仔細細，好可愛
自動售票機
購票很簡單，先按車費跟住按人數，入錢就完成
去新清水駅要 300円，都幾貴
入閘口
車未到同小丸子、小玉影下相先
車內要有禮貌，唔係影響其他乘客
點解小丸子列車變子新型號 A3000 ( •́ _ •̀)？
票務處內的橫額明明寫仲有架
噢!!!今日唔運行，咁咪即係無得坐囉^_^"
同彩繪列車合照，再到小丸子樂園，門票有九折和得到一個襟章，影唔到相咪無襟章囉，天啊！(〒︿〒)
轉貼自日本靜岡觀光旅遊自助指南
靜岡鉄道的列車，每架車有不同的廣告，很特別，這架係可口可樂
車廂內的掛畫，和白熊研究咗好耐，這個女孩子有瓣子，究竟係小丸子定係佢姐姐咲子
新清水駅月台的花輪同學和小渚同學，小渚同學可以日日對住花輪同學，真係開心死佢
出閘口，靜岡鉄道每個車站都很細，只有一個出入口
新清水駅
有些口渴，去車站旁邊的便利店買野飲
士多啤梨冰，正！
俾完錢，職員攞咗杯野係部咖啡機幫我哋加奶
原來除了咖啡外，還可以有其他的飲品，款式都幾多
加咗奶嘅士多啤梨沙冰
個杯有說明，用吸壼搞暈就飲得，幾好味喎
飲完就出發『追尋櫻桃小丸子漫畫足跡』，這個行程係環繞清水市，大約兩小時，終點返回新清水駅。
行完之後，下午一點半左右返到新清水駅，小丸子架穿梭巴士由新清水駅開 01:42，仲有幾分鐘，還差十幾米見到架巴士剛剛到站，但係佢無等夠鐘先開車，只等停一停就開車；明明仲有兩分鐘，唔等埋我哋！以為計準時間就無問題，原來只有總站的才會準時開車，其他站未必會準時，下次都係預早一些比較安全。
無車坐只好行去 S-Plus Dream Plaza，其實唔係好遠，行十幾分鐘就到；行到時我同白熊已經好肚餓，先到清水すし横丁食午餐。雖則這個すし横丁很出名，但係原來食品水準只係一般，沒有驚喜。
途中見到這架速遞車，電單車變咗四輪輕車，安全好多
S-Plus Dream Plaza 免費穿梭巴士站
S-Plus Dream Plaza
遠遠就見到小丸子同小玉
商場正門入口
憤怒鳥，日本也很有名
清水足球隊專門店
今日午餐係呢間食
清水みなと 漁師丼の店
日本人都鍾意玩字，魚字部首的字帖
口渴，飲啖茶先
醬油壼，好有特色
去洗手時見到到小丸子畫像，當然唔可以錯過
有得食啦，我的海鮮バラ丼 880円
白熊的黃金丼 1360円
清水すし横丁內的食店佈置成江戶時代
食飽後到 ラムネ博物館和駿河 みやげ横丁行下，行行下先記起要在五點半前返回靜岡駅的觀光案內所借WIFI蛋，所以就立即出發到三樓的ちびまる子ちゃんランド （小丸子樂園），本來打算行一圈影下相就走，但係實在太吸引了，最後決定明早才去借WIFI蛋。
ラムネ博物館～汽水博物館
展出很多不同年代的波子汽水
茶味汽水，未飲過
以前的電動汽水機打蓋機
呢部仲舊，手動
咁大部雪櫃放滿了汽水，真係花多眼亂
還展出以前的汽水樽貼紙
各年代的汽水樽
如果想儲波子汽水粒珠，呢度有得賣
1947年的汽水廣告
各年份的汽水價錢
行完就行隔離的土產店～駿河みやげ横丁
這裡有小丸子各種的產品
賣晒廣告
小丸子樂園，我同白熊終於嚟到啦
樂園 5 月活動時間表
想同小丸子合照，要留意一下時間，原來各位人物只在星期六、日和假日才出現，所以平日樂園係好少人
學校飯堂餐廳，係可以體驗一下日本小學生的午餐，一份餐只有一個麵包，奶和少少餸就九百幾円，真係幾貴
餐牌，只得兩款選擇
轉貼自官方網頁
無料體驗コーナー ，只須購買材料，有人免費教導
呢度有部小丸子彩繪列車，之前無得坐，現在可以同佢合照
賣場，有很多不同的小丸子產品
小丸子漫畫和VCD，不過全部都係日文
有很多不同形狀的糖出售，一杯 540円
貨架上用咗中文寫住「請不要把手放到裡面」，初初以為係俾國內遊客睇，不過睇真啲係用繁體字，咁即係寫俾台灣或者香港遊客睇
大大隻字，唔好試食呀，俾人話就唔好啦
小丸子和其他同學合照
體驗櫃台，可以在這裡買材料
影相機，無得同小丸子合照，可以用呢部機完成願望
竟然有個小小神社
祈完福可以把籤掛在這裡
在枱可以寫信俾自己
旁邊還有個郵筒，在這裡寄信可以有小丸子特別郵籤
小丸子的同學在紀念品四邊牆都有，要小心慢慢搵佢地出嚟
收銀處，右邊就係樂園入口
無同彩繪列車合照，無九折又無襟章，真失敗。買咗入場券，職員給我哋兩把團扇和印章手冊
有小丸子和各角色的衣服可以租借，我估應該小丸子服裝最多人租借
一次 300円，都唔係好貴，不過我無租借
小丸子立體公仔，係 1：1，原來小丸子係咁矮
傻下傻下嘅爺爺
小丸子漫畫的歷史
小丸子家族成員介紹，小丸子原名桜桃子
姐姐桜哎子
媽媽桜菫
爸爸桜宏志 / 広志
爺爺桜友藏
嫲嫲桜小竹
小丸子家的廚房，攞設同漫畫的一樣，可睇到日本當時人民的生活情況
宏志又係度無所事事同嫲嫲交談
好舊的電視機，不過唔知係唔係真品，定係裡面有部LCD
達磨，點解兩隻眼都無畫
好似爺爺咁傻都幾好，無煩惱
小子的房一年365日都係咁亂，好心你就執下間房啦，仲傻笑，梗係近得爺爺多
轉彎去咗另一間房，有其他的街坊，野口笑助～野口笑子的爺爺
松岡三郎～「三松屋」店舖的老闆，街坊會的會長
佐佐木茂男～小丸子爺爺的朋友，是個很喜歡植物的老伯，常義務替市內種植和收繕樹木
川田守～他20年來在清水市之溪流～巴川做義務清潔工作，也是一位養魚高手，負責飼養魚苗投放到巴川中
由這裡行入去課室
門口有一組鞋櫃
在鞋櫃內收藏咗印章和問題紙
日文？唔明寫咩
另一張係中文，不過原來日文和中文兩張問題紙的問題係唔同架
蓋完印章繼續行，3年4組學生表
老師正在上緊堂，白熊唔好咁噪
大野健一，杉山聰和長谷川健太唔上堂係度踢足球
這位長谷川健太將成為日本足球運動員，日本國家足球隊成員
小丸子和其他同學一定犯錯，被老師罰企
小丸子舉行的繪畫比賽得獎作品
小丸子 25週年紀念海報
個印章係老師張枱下面
搵咗好耐先見到張問題紙
有個小遊戲，找錯處
另一間房有齊小丸子的漫畫，有時間可以慢慢睇
小丸子扭蛋
黑白色，咁單調嘅
用塊圓板轉動來看會點呢？？！！
變咗彩色，好神奇
呢度又收埋個印章和問題紙
係樂園小丸子隨時隨地會出現
小丸子唔夠 100cm，可以企埋佢睇下同佢差幾多
杉山聰
小丸子和小玉的立體公仔，當然唔會錯過同佢合照
小玉爸爸穗波真太郎係度偷影小玉
花輪和彥和管家西城秀治
空地係小學生玩樂的好地方
富田太郎（豬太郎）和妹妹富田富子
鋼架度有度門
原來第四個印章係呢度
鈐乃屋模型
下面個櫃有第五個印章
一共五個印章，終於集齊
直行就係出路
旁邊有間寫真館，可以同幾位人物合照
白熊快啲影番張相留意啦
更衣室，如果租借咗衣服可以係呢度換衫
小丸子的街坊
小丸子一家同你說聲多謝再見
行完後行多陣紀念品店，原來呢度都有小丸子追分羊羮賣
還有其他的食品
行完見時間差不多了，係時候返靜岡食晚餐，在一樓駿河みのり市場旁的出口出，就有免費穿梭巴士，上車搵位坐好幾分鐘後就開車，真係好準時。
由於朋友托我買備長炭，所以返到靜岡後我和白熊先到 Cenova百貨公司三樓的 Tokyu Hands，但係搵了很久也找不到，最後要問職員才搵到。買完野後就去食飯，本來係打算去松屋食晚餐，但係離開商場時在路口行錯路，本來只需幾分鐘的路程，行了十多分鐘都未見到，才知行錯路，我哋係邊度呀？幸好還知道車站的方向，我哋向車站方向就繼續行，行一陣就返到車站，第一眼到吉野家，唔想再搵，今餐就改去吉野家食。
吉野家現在有鰻魚飯供應，想食鰻魚飯好耐，今餐食豪啲，我點了鰻魚二枚盛丼，滿足一下慾望。食飽後，在車站商場行一陣，便返酒店休息。
免費穿梭巴士，點解唔係小丸子彩繪巴士，又被呃
JR清水駅免費穿梭巴士站
清水駅內貼滿了各位卡通人物
連樓梯都有
みなと口，要乘穿梭巴士在這個出口出
巴士站旁的公園，咁大個圓環代表乜野意思？
這個風車唔似風車，又係乜野呢？
售票大堂有小丸子樂園的廣告
買車票先，雖然西瓜咭係JR東海可以用，但係行程只乘兩三次JR，所以沒有幫佢增埴
返靜岡係 2 號月台乘車
仲有十幾分鐘班車先到，坐下先
呢個小渠蓋好靚，「大御所家康公，顥彰四百年」
Cenova百貨公司
備長炭，呢啲係用嚟BBQ，一樣可以用嚟淨化食水，而且咁大盒只係千多円
幫朋友買當然要買好啲，買咗呢包，專門用嚟淨化食水，而且細細包，方便帶返香港
今晚又係在呢間吉野家食晚餐
白熊點咗牛肉丼加葱蛋 480円
我的鰻魚二枚盛丼 1220円
埋單付款時給我的折扣券
今日的戰利品
小丸子追分羊羮
紅豆栗子味，不是很甜，幾好味
上一篇 : 16年靜岡七天自由遊 Day 1
下一篇 : 16年靜岡七天自由遊 Day 3
沒有留言:
張貼留言