今日的天氣實在太熱了，選了到The ONE影櫻桃小丸子的得意之旅；展覽由7月9日至8月31日。
展覽是配合電影《櫻桃小丸子 來自意大利的少年》的宣傳。UG2 中庭佈置以意大利為主題，分為三個區，威尼斯小鎮、特雷維噴泉和小丸子意大利特色藝術館，而地下露天廣場有小丸子 Milano 花園，L16 星空迷宮，不過星空迷宮未開，無得行。
在商場門口已見到海報
連升降機門到有宣傳
L16 星空迷宮未開，唯有睇住海報先，迷宮內有12星座小丸子的造型
先到 UG2 中庭，已經見到有唔少人係度影相，呢度係特雷維噴泉
裏面有爺爺的石雕
嫲嫲的石雕
同埋姐姐的石雕
兩旁有賓治同豬太郎
呢邊有山根同學同丸尾同學
小玉同學係小丸子的好朋友，當然要有佢出場
小丸子和爸爸媽媽
小丸子爸爸宏志帶埋相機同小丸子影相
風和日麗，小丸子帶埋太陽眼鏡去意大利
小丸子媽媽打扮得很高貴
小丸子同小玉化身天使，提醒大家要小心梯級
小丸子和花輪同學係威尼斯小鎮一齊扒艇仔遊覽風光，好似好浪漫咁啵！
小渚見到小丸子同花輪同學扒艇仔好羡慕
花輪同學你幾時同我去扒艇仔呀?
野口同學企埋一角偷望四周
這個遊走博物館之旅16日先開始，唔知有咩珍藏展品呢?
博物館前，Gelato流動車
永澤同學，呢個意式雪糕好唔好食呀?
小丸子都想試下
展出多幅小丸子漫畫手稿
旁邊有大野同學同杉山同學穿上運動裝準備去踢足球
藝術館其實係賣櫻桃小丸子記念品的地方，睇下有好多人排隊
藝術館天花板有小丸子、小玉、小渚、賓治同豬太郎的肖像
裏面當然有小丸子毛毛公仔
小丸子帶四方帽，畢業時可以同佢一齊合照
藝術館旁邊有野口同學，傳聞講大話，放隻手入去佢個口會被咬住，真的嗎？
離開中庭，行去地下露天廣場
商場玻璃門都有宣傳海報
地下露天廣場，小丸子Milano花園
小型噴水池
小丸子金頭
用唔同鮮花砌成櫻桃小丸子頭像
圍住花圃的欄杆都有小丸子肖像
巨大的宣傳板
據資料，小丸子Milan Fashion Show有30個不同造型的櫻桃小丸子，不過我祇係影咗28個，唔知漏影咗邊兩個呢?
呢批米蘭時裝，係由意日混血名設計師Andrea Formichetti同小丸子設計
睇下小丸子染到個頭又紅、又橙、又黃、又藍、又紫，好Yeah啵！
仲染埋金髮添！
你睇佢仲表情多多
沒有留言:
張貼留言