香港迪士尼樂園開業十年了，但一直覺得樂園地方不大，門券太貴，沒有動力到此一遊。早前朋友給了我兩張免費門券，既然是免費，於是看看日曆，選定今天到迪迪尼玩一天。
知道迪迪尼的食物很貴，於是今天先在家吃過飽飽的早餐，八時多起程出發。先乘港鐵到荔景站，然後轉乘東涌線，過了青馬大橋後第一個站就係欣澳站，然後再乘迪士尼線到迪士尼站，全程差不多一個小時。迪士尼線的列車很有特色，裡面除了有多個迪士尼主角的銅像外，就連扶手環也是米老鼠的圖案，短短幾分鐘車程令你影個不停。
出了閘，在附近又影下相，跟著向迪士尼樂園進發。上網查過樂園是禁止帶外來食物飲料，但檢查不是太嚴謹，於是我哋帶了一些麵包和一壼暖水同行，萬一真的不可帶入園，在園外吃完才入去。入園時職員要求白熊打開背包檢查，不過只是看一看就放行。
門票是沒有日期限定，假日去也沒問題
先在荔景站轉東涌線
在欣澳再轉迪士尼線，列車很有特色，車窗也是米老鼠的圖案
連車內的扶手也有佢的跡影
到了迪士尼站啦，白熊要落車啦！
很古色古香的車站
迪士尼車站
在這邊行入去就係啦，好興奮呀！
噴水池，中間的米老鼠會上升和下降
黛絲，唐老鴨的女朋友
雖然入口有寫住不可以用自拍棍，但係有很多人照用，沒有人理會
售票處，我哋有飛，唔使排隊
入口處
張飛要過機才可以過，若要中途離園再回來，在出口出閘時，職員會在手上蓋上無色的印，同日可以再入園
入了園先取旅遊地圖，跟住地圖行了一個圈，玩了一些機動遊戲，就返回小鎮大街睇巡遊。樂園日間巡遊一共有兩場，第一場係米奇與好友10週年出巡，開場時間為下午一點，但係行到過晒鐘，行到巡遊地點時，巡遊已經完結了。幸好還有下午三點迪士尼飛天巡遊，所以在附近行下，等下一場。
正門城堡，其實係小鎮大街火車站
紀念品店
各種語言的樂園指南
賓客服務中心及詢問處
美國小鎮大街
馬頭形的路邊柵欄
小食店，排晒長龍
原來出售米老鼠窩夫，好好味咁喎！
呢度又排長龍，做乜呢？
原來係排隊同鋼牙奇奇和大鼻帝帝合照
照完相佢哋就會返去休息
樂園資訊
表演時間表
睡公主城堡
探險世界
有藝人表演非洲鼓
BB車停泊處，泊咗好多BB車，樂園都有BB車可以借用
森林河流之旅
唔係好多人排隊，不過係分咗三條龍，按不同語言分開嚟排
排咗一陣就輪到我哋，白熊上船要小心啲
途經泰山樹屋
過了樹屋就進入探險世界
啲火係真架，好鬼熱，沿途個工作人員講解得很生鬼、有氣氛，很好玩
天氣熱係可以係度涼下，不過今天有點凍，都係唔好啦
小食，哇，好貴，肚餓都係食麵包
獅子王慶典，表演開始咗，遲些再來
友熊山谷
灰熊山極速礦車路軌
礦車車站，本來都想玩，但係見到啲人玩到哇哇聲，好刺激咁喎，都係唔好玩安全啲
噴泉山谷
迷離大宅，見還有時間才開始巡遊，於是入去玩埋呢野先，點知.......
迷離大宅模型，一入去就有很多不同的展品，諗住行個圈就可以離開
離開展品廳後度門係關咗，做乜，要等。。。
開門後原來係坐自動車
架車開得很快，沿途英語講解
啲燈光幻影很好看，不過呢隻布偶就唔知講乜，玩完已經過晒鐘，無得睇出巡T_T
在其他地方玩了一陣後，約二點半就返到美國大街，那時好的位置已經坐滿了人了，幸好還找到不錯的位置，不過有些背光。
巡遊遲了些少開始，整個巡遊太約半小時，睇完之後已經三點多了，好肚餓呀！跟住行咗去幻想世界食午餐。睇下餐牌，哇！百幾蚊一碟飯，好鬼貴，幸好我不是太有胃口，最後決定只要了一碟飯同白熊兩份食；原來樂園內的其他餐廳食品款式價錢都是一樣，去邊間都是一樣。
反斗奇兵大本營，好大個車輪
有好多放大咗嘅玩具
巨型的胡迪警長
乜迪士尼樂園會有吸煙區，真係教壞細路
米奇幻想曲，我哋無入去，原來內面係欣賞3D立體音樂短片
見有些口渴，買野飲
左算右算，結果買了一支鮮橙汁，多謝$32.00
睡公主城堡前面的七個小矮人
白雪公主許願洞
真係有人許願
小熊維尼魔法書，這裡是小朋友影相的熱門地點
旁邊係灰姑娘旋轉木馬
小熊維尼歷險之旅
FastPass 派到五點幾
FastPass機
幸好排了不是太耐就到我哋
坐無軌自動車
整個旅程只有幾分鐘，而且架車又行得好快，好似坐過山車加碰碰車咁，坐到有啲暈車浪
幾分鐘就玩完，在日本的迪迪尼都玩過，起初以為因為唔知日文講咩，但原來不同地方，都係唔知玩咗乜。出路當然要經過紀念品店～
周圍行下，這間小食賣爆谷，排長龍，好好生意
明日世界
探下巴斯光年，咁啱佢係度同小朋友影相
排咗一陣就可以玩巴斯光年星際歷險，一入去就見到佢，不過太暗了，影相效果很差
坐自動車一路行，我哋就用槍一路射啲怪獸，又幾好玩
開始喇，好緊張
有怪獸呀！白熊，射佢
分數等級表，我只有萬多分，第三級
火箭餐廳
呢度係食漢堡包
差不多一百蚊一個，一樣咁貴
太空飛碟，睇落好刺激，又無得玩
無得玩，同太空人合照補數
夠鐘睇巡遊，返回美國小鎮大街，聖誕節未到，已經很有氣氛
夠鐘，巡遊開始
大約半小時，巡遊就完結，唔知點解啲人跟住巡遊隊行
睇完巡遊去咗笑匠歡宴坊食午餐
睇下食乜野先
京蔥牛肉飯加汽水$109，碟飯其實係時菜牛腩飯，可能太餓，覺得味道都不錯
呢度有好多麻雀，啲人一食完就飛埋去搶食，好利害
餐廳有熱水供應，又幾好喎，剛好飲晒啲熱水，等我斟番滿個暖壼先
食完飯離開時剛好有職員係度扭氣球公仔送給小朋友
就完成啦！圍觀的人睇到眼都係唔眨
食飽後就繼續行程，不過行到五、六點時已經很攰了，搵了個位坐低休息一下，個天黑齊又要出發影夜景。晚上燈光的樂園很靚，影相一流，時間差不多，係時候返回美國大街睇迪士尼光影匯夜間巡遊，不過大約六時半，美國大街已經有好很多人，七點有個《魔雪奇綠》聖誔亮燈禮，所以先行去棵大型聖誕樹睇表演。
小小世界
這裡又有BB車陣
很古怪的建築物
雪榚店
價錢一樣係比外面的貴，不過天氣凍，不想食雪榚，可以慳番
漫無目的四圍行，轉旋木馬，本來都想玩下，搵番啲童年回憶，不過真係好多人排隊，只好放棄
小飛象轉旋世界，全部都係小朋友玩的，唔好意思去排隊
行行下到咗反斗奇兵大本營，睇好胡迪和翠絲系度同人影相
沖天遙控車
又一狂叫的機動遊戲，不用看就知有幾刺激，哇聲不斷，淨聽聲就心都跳埋出嚟
三眼仔好勤力咁工作
蛋頭先生係度望乜野，原來係建築緊座紀念品店，三眼仔就做，佢就只用把口，又幾識指人做野
洗手間前的部紀念幣機，不過無乜人幫親
轉轉彈弓狗
係咁轉，係咁轉，玩完分唔到東南西北
咁大部對講機，邊個用架？
原來係抱抱龍的，不過佢被繩綁住咗
跳傘隊緊急出動，要拯救抱抱龍。無野做，發下白日夢
大冒險餐廳
又返到迷離大宅，之前太匆忙，現在可以慢慢行下
迷離莊園車站，好大個頭
可以伸個頭入個窿度影相
又行到去灰熊山
咁細個就俾人通緝，真係可憐
好大舊金呀！等我去摸下沾下啲財氣
有個水池喎
哇！原來係間歇噴泉，俾佢嚇咗一跳
旁邊有另一個間歇泉
這個比之前的噴得仲高
五點半了，差不多夠鐘去獅子王劇場睇表演
今日表演項目係獅子王，六點係最後一場，但係去到已經有好多人排隊，而且係場外排，要等三十分鐘才可以入去；要企係度半個鐘，都係唔好啦，四周行下等夠鐘睇晚間巡遊好了
晚上的迪士尼又是一番景象
未來世界
這個餐廳入面也有熱水供應
睡公主城堡，夜晚比日間靚好多
美國小鎮大街，很靚
店鋪內人氣很高的米奇和米妮，很多遊客會同佢哋合照
六點半，迪士尼十週年閃亮慶典
睇完跟住又行番睇《魔雪奇緣》聖誕亮燈禮，入口的巨型聖誕樹閃亮著不同顏色的燈飾
兩旁的建築物投影了雪花圖案，又幾靚喎
而且在屋頂還噴出很多雪，凝造出白色聖誕，好有氣氛！
睇完之後未夠鐘巡遊，去咗紀念品店行下，睇下有無野買，不過最後都係無買到野，行下行下行咗去入口，搵咗個位坐下休息下，點知一坐低個人就好似散晒咁，真係想返歸，不過一場嚟到，都係睇埋巡遊先走。
差不多七點，返回小鎮大街，街道兩邊已經有很多人了，只可以搵咗個一般的位置，巡遊準時開始，燈光很幻彩，很靚，只可惜相機性能不是太好，影出來的相效果很差，如果下次再嚟，一定要帶部好啲的相機和腳架。
差不多係時候去搵個好位等睇晚間巡遊，不過原來已經有好多人係度等
夠鐘巡遊開始啦！
好幻彩呀，不過的舞蹈員不停咁跳，影得好差
白雪公仔變咗燈光怪客，晚上睇見佢，啲細路實比佢嚇親
睇完巡遊係時候離開返屋企，因為怕人多，所以巡遊一完，就第一時間離開，幸好真係不是太多人。由迪欣站返到屋企差不多要成個多鐘頭，回到家中已經散晒，攰到唔識郁，食咗少少野，沖個涼就上床休息。
車站外的噴水池，會定時轉不同的顏色
又返到入口牌坊，同迪迪尼說聲拜拜
晚上的迪士尼車站，乘港鐵回家
沒有留言:
張貼留言