迎月夜由沙田乘巴士返家時途經黃大仙，見到黃大仙祠前也有綵燈會，差點想下車去拍下照，不過當時實在太疲倦，最終都沒有下車。回家後在網上查看，原來這個綵燈會至到9月21日，於是安排今天來湊熱鬧。
下午乘港鐵到黃大仙站，先到商場吃下午茶，然後到黃大仙祠拍綵燈會的「日照」，綵燈裝飾主要在黃大仙廟宇廣場和祠內的從心苑，我們先在祠門前拍2條分別長20米的「龍」、「鳯」大型綵燈和8米高的八角主題大走馬燈，以及充滿道教特色的四瑞獸。在拍攝途中，剛巧遇到黃大仙祠為新增的月老及佳偶天成男女金漆銅像舉行開光儀式，我們有機會看到舞龍舞獅的活動，真開心！
看罷開光儀式，我們到從心苑影下以「荷塘趣事」和「八仙賀壽」為主題的綵燈。影完白天的綵燈都祇是下午四時，晚上的綵燈會於七時才開始，於是我們在上、下邨的兩個商場四處逛，到六時多才再回到黃大仙廟宇廣場。這時廣場上的綵燈已亮起，於是我們開始影「夜照」，影完後，等到七點黃大仙祠再開門，我們便到從心苑影亮了燈的綵燈，晚上的綵燈和白天的綵燈各有各的美感，今次兩樣都影到，真開心呀！回家後看相，晚上拍的綵燈有部份拍得不是太好，下次都是不要懶隋，帶埋腳架，拍出來的夜景應該會靚好多。
我哋係黃大仙中心呢間食下午茶
我哋皮蛋瘦肉粥＋叉燒腸
白熊的燒鴨米線＋熱奶茶
呢餐都唔錯，唔洗加一，多謝 $45
在黃大仙祠見到有儀式要舉行，原來係月老及佳偶天成男女金漆銅像舉行開光儀式，當然唔可以錯過啦～
仲有舞龍表演添～
獅隊剛剛由黃大仙祠出來
香爐，裡面真係點咗香架
啲獅原來要倒後行出嚟
去到廣場後各人就準備表演舞獅舞龍
開始喇～
上面隻獅企到咁高，唔知佢驚唔驚呢？
擺個靚 Post先，仲有彩炮，真係好精彩
係最後條龍仲包住啲獅俾各人任影，呢個Post足足擺咗分幾，真係可以影個夠本
人群散開後先可以影下個神壇
表現完後廣場啲人走得七七八八了，可以專心影下啲綵燈，果兩條龍鳳真係好長呀，要企到好後先可以影到全景
龍鳳爭珠
黃大仙祠大門牌坊佈置得好靚
係出口也有綵燈佈置
係裡面影番出去都好靚
孔道門
旁邊就是從心苑入口
入口前放了兩個綵燈公仔
裡面也有，都是以小孩提著綵燈為主題
入到裡面就見到個大型綵燈
嫦娥
與玉兔
玉兔好可愛呀！
以「荷塘趣事」為題的佈置
不同型態的青蛙
另一邊有兩對鴛鴦在水中央
荷塘當然不可以沒有荷花
今年是嗇色園九十周年紀慶，長廊都掛著不同設計的綵燈
，萬事如意
歌舞升平
中秋佳節
快樂佳節
小溪上站立了不少「仙鶴」
到了「八仙賀壽」的綵燈場景
因為用的是傻瓜機，加上沒有腳架，影日景比夜景靚
可以清楚看到人物的面貌
祠外廟宇廣場上的8米高的八角主題大燈．還有四瑞獸
四瑞獸：猰貐、居、貔、狻猊，不過就唔知邊隻打邊隻
黃大仙祠下午五時半便關門，到晚上七點才再來給遊人到從心苑
在等開門時，約六時半廣場的綵燈就亮燈，可以一面影一面等夠鐘
啲綵燈開咗燈後靚好多，可惜無帶腳架，啲相唔係太滿意
神氣好多的瑞獸
廣場上有多人都同我哋一樣，邊影邊等開門
亮咗燈的龍與鳳
夠鐘開門喇，可以入去參觀影相
夜景係咪好靚呢!?
我哋開始入去從心苑影相啦～
從心苑前的公仔綵燈因有射燈照住，效果影得唔係幾好
裏面兩個就影得靚啲
苑內的綵燈係晚上亮燈後靚好多呀
我覺得咁多綵燈最靚就係係水池上的綵燈
好多青蛙呀，睇下水面的倒影幾靚
跳水的青蛙，神態好有動感
蜻蜓呀～好Ｑ
水中蓮花
另一邊水池
鴛鴦呀！「在水中央，有麗影一雙．．．．」
另外一對鴛鴦
在小溪上的白鷺和丹頂鶴
長廊上的綵燈
亮咗燈真係好靚
水池上的八仙賀壽
王母娘娘
兩邊係八仙
啲相影相個個都好似黑面神咁，效果好差
好多蓮花集中在這裏
沒有留言:
張貼留言