上星期看電視節目，知道有一個關於深水埗舊事物的展覽，於是上網找尋詳細資料，原來展覽名為『深水埗創藝傳城』，在石硤尾的賽馬會創意藝術中心舉行，展期由7月31日至9月25日。
今早乘港鐵到石硤尾站C出口，行約十分鐘便到達創意藝術中心，沒想到原來展覽場地很大，展品也很多，我們在L1藝廊行了一半已覺得很累，於是到中心旁邊的咖啡店，飲杯咖啡、吃件包，休息一下才繼續參觀這個展覽。
休息過後，我們再行L1藝廊餘下未行的地方，然後落一層到L0藝廊，這裏有大型立體的深水埗街景，有用瓦楞紙做成的迷宮等等，行完後回到L1，中央庭園佈置成記憶工廠，裏面有已式微的穿膠花和製衣行業，我們感受一下穿膠花的工作，原來這份工真不容易做。
我們用了三個鐘在這展覽中享受過去的時光，不過最終當然還是要離開『深水埗』回到現實中。
一出港鐵站便看到去JCCAC的指示牌
行約十分鐘便見到JCCAC
一入去便見到中庭的記憶工廠
還有大大的banner
這裏未變身前是石硤尾工廠大廈．為配合半山地勢和實際需要，石硤尾工廠大廈的外形有別於其他政府工廠大廈，大廈類近「口」字形，樓高九層，並設有升降機
開始行L1藝廊～用一層層畫布設計的鴨寮街
全是街頭的剪影
越來越少見的唱機
「祝君早安」白毛巾，家下都有得賣架
先轉左
這裏是「你想心水埗」
藝術家用深水埗特色建築物構造成的作品
巨型康樂棋呈現在深水埗，當中有穿孖煙囪伯伯、貪靚電髮師奶、四眼哥哥．．等，快啲嚟擲骰玩下喇～
這個隨便坐，好有街坊feel
坐係呢張櫈係正面影張相，就好似著住街坊裝咁樣
呢張櫈有按「股」作用
，隨便坐
二手大改造～埋嚟睇埋嚟揀
兩邊佈滿瓦楞紙的長長走廊，行得攰可以坐下
仲有人字拖供應？當然唔係喇，係展品嚟架
用電路版改造成的
提起深水埗，當然會記得有不少布行和輔料店舖
哇好大幅布咭呀，其實係門簾嚟架
呢張細細幅，其實係杯墊
由布料和輔料組成的深水埗地圖
深水埗另一特色～籠屋
用鈕扣連繫一起的作品，以衣服喻為深水埗，人是鈕扣，大家連在一起
位於北河街的恒貞大押，蝙蝠形的招牌下面刻有「押」字，象徵「吉祥如意」
當票
當票圖案的嘜頭印在的不同的餐具上面，有好創意
原來以前深水埗是鐘錶集散地
深水24，展現了24小時運作的深水埗
12:00至04:00的夜宵大排檔
03:00至06:00的鴨寮街徐小鳳
藝術家以Fotomo立體街景製作方式來展示深水埗有特色的小店
大家姐海天堂龜苓膏
八仙餅家
坤記士多
禮記燒臘
新香園
仲有早前幫襯過的維記咖啡粉麵，裏面係架電視機仔，不斷播放店舖門前的影像
撥盤電話
無掂過，唔知係唔係成個都係用泥做呢？
「生活學堂」試驗一～荳渣肥皂
深水埗社區創意計劃～街坊街里互相幫助齊建社區
用光碟製成的燈飾
用膠圈組成的燈飾
用風扇蓋和筲箕組成的燈飾
多種造型的蒸籠加風扇蓋的燈飾
深水埗大負窿ShamShuiPoly～在遊戲中感受深水埗的事物
夜光深水埗燈罩，燈罩上的圖案以深水埗的店舖為創作基礎
日光日白燈罩平平無奇，但在黑夜中會有夜光圖案出現
立體的深水埗街頭
可惜影唔到佢既立體感
深水埗的天光墟，有好多舊東西賣
以「英雄」為題，塑造出4個以深水埗街道為藍本的不同性格、外型、能力的英雄人物
行咗咁耐終於行到接待處，唔係佢遠，而係我們由最外開始行
接待處旁邊有個以Rube Goldberg machine的概念重新設計的遊戲，把深水埗的特色融入當中
由木珠從起點開始
經過不同機關
體驗個中的旅程
最終抵達終點
行得太攰，去cafe飲杯咖啡
這本是在接待處取的紀念書仔
裏面有張「工咭」和附有深水埗旅遊地圖添
白熊要咗杯椰子咖啡
我要咗杯特濃朱古力，上面個拉花比白熊果個靚好多
燒牛肉意大利包，呢餐食咗$68，整體食物一般
食完野後開始行展覽懷舊物件的展場
展覽品當然是百份百香港製造喇
以前的中成藥
昔日工廠妹必備的飯壺，可將飯餸分層盛載
顏色鮮艷的搪瓷製品：黃色油隔、紅色茶壺和白色茶罐
各牌子的汽水樽
六七十年代的黑膠唱片
用塑膠珠織成的手袋
塑膠洋娃娃和紙製洋娃娃同樣受小女孩歡迎
六七十年代的玩具，當時若擁有一部聲控玩具穿梭機，已是一件了不起的事
聖誕裝飾，現在看來很老套，但當時可以在聖誕節佈置一下，肯定非富則貴
以前在百貨公司買野，會用天地盒嚟包裝
以前推出的香港節和清潔運動所出產的一系列宣傳品
駱駝牌和金錢牌暖水壺是昔日家庭必備的用品
昔日過年必有的塑膠糖果全盒
雞仔嘜係六七十年代已經係名牌，而下面的小文具反映了當時的鑄造技術頗高
七十年代的紅A書包是「型」的象徵
以前年尾雜貨舖都會送給長期客戶一個廣告鐵牌月曆以答謝長期光顧
都是紅A出品，硬膠和軟膠的產品，右邊細細個水壺我以都有一個，中間圓形硬膠盒就用嚟裝煉奶
以前有部搖控模型車就好威架嗱
離開L1藝廊，我哋落一層到L0藝廊
我哋進入深水埗立體場景
街坊地毯，增添了創作者的靈感
場景係咪好有立體感呢
Let's go．．．．
深水埗街角
在街邊修理電水煲的老師傅
場景與瓦楞紙融合一起
南昌街，右邊係三級歷史建築的深水埗警署
北河街街市
公共屋邨的剪影
坤記士多，佢啲糕點好出名架，不過自從電視介紹過之後，店前總是有好多人排隊，怕排隊的我已經好耐沒有幫襯過
在瓦楞紙迷宮上的人形公仔，這個伯伯看起來有點滄桑
這個肯定佷愛『血拚』
士巴拿茶几
個箱裝咗乜野呢?
原來是六七十年代的玩具
另一邊有以前的電器
行到L0的出口，見到這個屏風
裏面是人民生活的寫寫
這列招財貓會感應有人行近便會招手
睇吓佢隻左手在擺動，真利害！
上番L1，見到這個很有藝術感的長椅
我哋進入記憶工廠喇！
等我哋打咭先
打完要放番係工咭架上呀！
我哋開始穿膠花，以前穿幾多就計幾多工錢，無依家有最低工資保障架
我哋穿咗好耐先穿得一枝，如果係以前已經餓鬼死咗
穿好既膠花有啲放咗係呢度
睇吓幾靚，不過唔可以帶走架
仲有一些小手工
因沒有工作人員在場，所以真係唔知做啲乜野手工
製衣工場
Brother牌衣車
Juki牌衣車都係名牌子嚟架
仲有五線鈕骨車
唔同牌子的鈒骨車
有埋圖教你點穿線添
燙畫機
在中庭上放了條生產線，在條生產線最後部份係做品質檢查工序
放咗好多放大鏡係度，可以攞嚟自己Q下啲成品
為保正品質，出廠前QC要用『萬花筒』check 吓啲膠花
睇下萬花筒內的膠花幾靚
沒有留言:
張貼留言