早前知道平海福醮會在農曆九月舉行，這個習俗並不是每年舉行，而是連續舉辦三年，然後停辦三年，今年是第四届三元，過了今年要隔三年，即2014年才有第五届。這個月初向朗明住宿查詢福醮的出會日期，跟著預訂了食宿，期待著參與這個盛會。
今早乘06:45巴士到粉嶺，07:30抵達明都中心，預算今早乘09:35深圳往平海的巴士，故有極充裕的時間。我們先在商場吃早餐，然後乘搭火車到羅湖。過了關，08:30便到達深圳羅湖僑社客運站，買了車票，在大堂無無聊聊影下相，逛逛客運站內的小店，夠鐘便上車向平海出發。巴士在銀湖汽車站停站上客，在稔山鎮休息站休息了一會，便繼續向前進發，中午12:10抵達民宿。
這兩天民宿本來還有兩枱客人預約到訪，大部份都是第一次到來，為的是要吃主人家出色的私房菜。不過據去年的經驗，村民為了參與福醮，這段時間大部份都不出海，加上出會後所有參與的單位都會在平海鎮的食肆進餐，故市場上的食材需求非常緊張，新鮮的海鮮更加難求。主人家為了不想客人失望，建議他們改天才來吃私房菜。
今天祇有我倆、主人家夫婦和西廚，這兩天吃的菜式是按主人家在市場上「搶」到甚麼便吃甚麼，不過他很利害，「搶」到不少好野
。吃過午餐，我們逗留在美味廚房閒談了一會，跟著去看看農莊的新面貌。農莊和三個月前大大不同，水利改善了，種植的植物重新規劃，外農莊種的主要是果樹，內農莊則種了品種較高級的蕃薯、蔥和羗。而建土窰燒乞兒雞的地方，以往因天氣太熱、天雨，或者刮大風而不能燒乞兒雞，常常令客人失望，故主人家現正動手增建一個有蓋的簷篷，好讓未來的日子有一個舒適的地方做土窰燒乞兒雞。這個下午，主人家繼續他的工程，我們就隨意地四處逛，拍拍四周的事物，五點半左右太陽開始落山，我們到五樓的日落觀景台，拍拍日落的美景。
吃過晚餐，主人家駕車載我們到文化廣場，預先看看明天出會的地方，跟著坐車在平海鎮的小街逛了一個圈，原來平海的夜市很熱鬧，有很多大排當和食店，不過我們的肚子實在太飽了，祇可以用眼睛貪婪地望著眼前的美食。
明天七點半吃早餐，八點就要出發到文化廣場參加出會，今晚要早點睡。
今天的早餐，在大家樂買了一份早餐兩份食
過了海關後過埋天橋就到橋社客運站
巴士站在這楝七彩大廈後面
到喇～上二樓買車票先
購票大堂
買完車票後影番張相先，左邊的咭紙上車後會有人收番
在顯示板上看到有直通巴士番落香港
好多旅遊巴停晒係度
其中一架就係我哋今次乘搭的旅遊巴士
坐咗兩個幾鐘頭車，終於到平海朗明喇
寧靜的大堂
今日住呢間房
雙人大床，係上面打翻幾個筋斗先
電視機和木傢俬
五樓美味廚房，我地又嚟喇
唉～蒸餾咖啡，新產品，原來係西廚的出品
等食時主人家俾咗啲自家製的花生糖和芝麻糖我哋食，好好味呀！
有野食喇～粟米和番薯
啲番薯肉原來係燈色的，甜甜地好好食
白熊最愛的魚蛋紫菜湯，啲湯很好味，問過了主人家用乜野湯底煲，主人家竟然話祇係用清水加紫菜魚蛋，無落其他材料，就已經咁好味
我們最愛吃的炒米粉
甜美的生菜
食飽後番房休息一陣後就到農場影下相，木瓜樹，上面結咗好多木瓜呀～呢棵係西廚既
呢棵木瓜樹係主人家分配比我架，你睇～上面有我個名牌，希望再來的時候有木瓜吃
楊桃樹
上面有好多楊桃，睇見就流晒口水
地下有好多水瓜
水瓜樹，上面結咗兩隻好大的水瓜
水瓜花
老水瓜，曬乾後除去外皮就可以用來擦身沖涼，出面買一舊都唔平架
主人家的賢內助送了一條比我地，真係多謝晒！
阿矇大隻咗好多，仲多咗個朋友仔毛毛陪佢添
毛毛好乖，好似毛公仔咁
農場入口的告示牌
鵝出沒注意，原來啲鵝係好鬼惡架，我哋係度影果樹時行埋去啲鵝度，佢哋竟然係咁大叫，想趕我哋走，真係唔可以睇少
番鴨，都係第一次見
重新整埋後的農田
因天氣開始轉凍，太部份地方都係種了蕃薯，呢種係名種靚紅薯，可惜還要個多月才成熟，現在無得食
水瓜瓜棚
做土窰雞的地方大興土木，完成後就不怕風吹雨打
河的對岸變了香蕉園，這裡種了香蕉，大蕉和糯米蕉，試食了條大蕉，唔知係唔係同香港的品種唔同，食落去係酸酸地又甜甜地，好特別
好大隻香蕉花
好大串香蕉呀
遠處的木瓜樹還在，無俾鮎魚吹走
而且還結了好多木瓜添
鴨鴨呀，上次見佢地仲係好細隻，而家大隻咗好多
惡鵝出巡，小心！好彩佢地掛住搵食唔埋我，唔係又俾佢地趕走
其實啲鵝都幾靚呀，真係睇唔出原來係咁惡架
肥雞，佢哋就乖好多，係度搵野食無埋我哋
時間差不多了，到五樓影日落先，前面的稻田已經成熟可以收割，一大遍金黃色，真係好靚
龍山
山腰新建了上山路，上龍山就方便好多
日落喇，睇住個咸蛋黃慢慢落山
05:30太陽已躲在山後
肚子餓了，去食晚餐，今餐同主人家一家一齊食，所以數量同份量都多好多，鱔魚滾白菜湯，啲湯好鬼鮮甜
白灼蝦，隻隻蝦又大又多膏，好美味呀！正～
鮮甜靚菜心
炒白菜
蒸沙滑魚，啲魚肉真係好嫩滑
清蒸奄仔蟹，好多奄仔蟹呀，好鮮甜好多膏，好味道，呢餐食到無停手，個肚飽到無人有
食飽飯後就到文化廣場
表演舞台，呢個舞台係明早出會和明晚演唱會用的
個舞台現在做緊燈光音響測試等預備工作，我們逗留了一會便到小街逛一圈，跟著坐乘車返民宿休息
沒有留言:
張貼留言