今早七時多起床，梳洗後，九時到美味廚房吃早餐。今天的早餐不是主人家廚師煮的，是廚師的賢內助和客籍西餐總廚合作的傑作。話明是傑作，當然是份量十足，所以蟹粥比以往的「杰」，該是怕我們不夠飽
。吃過早餐，主人家拿了在市場買的荔枝給我們吃，雖然沒有到荔枝園摘荔枝，不過都可以吃到平海出產的黑葉荔枝，好甜細核唔錯。吃完荔枝，休息一會，我們便到農莊內看乞兒雞的製作。因跟著來的日子都有客人預訂了乞兒雞，所以主人家在星期五做了三個土法乞兒雞的土窰，我們這次燒九隻乞兒雞，用的是細土窰。在大熱天時燒乞兒雞，實在是極大考驗。在農莊看了一會生火起爐的情況，我們轉到大門前包雞，包完雞，爐已經夠熱可放雞了，11:40a.m.埋完雞，在等食的時候，大家都急著回房間嘆冷氣。
約中午十二時半到美味廚房，等了一會，香噴噴的乞兒雞到來了，雞的味道不用多說～美味。食飽後回房間嘆下冷氣，睇下電視，執拾好行李，差不多三點就到地下大堂付了這兩天的費用，約三點十分客車到來，五時十五分抵皇崗關口，一切都非常順利，過關後乘永東巴士回家，六時半便抵達家門。
今日的早餐
超美味的蟹粥，材料除了有奄仔蟹外，還有蝦、蠔仔及炸魚片
今天才知原來油炸鬼是在市場買的，不過都是當天早上炸的，一樣咁新鮮
餐後果～黑葉荔枝
雖然細細粒，但係都幾甜同多汁
整乞兒雞的土窰，一共有三個
最右的細窰係今日用的，其餘兩個係之後幾日所用
在太陽下燒熱個土窰都好辛苦，雖然加了風扇和太陽傘，但係都好熱
用柴火燒熱個窰要成個鐘，天氣已經咁熱，仲要面對個火，呢位哥仔辛苦晒
燒到差不多，係時候包雞
要幫廚師補充一下資料先，走地雞是早上新鮮劏了送來，洗淨吊乾水醃味，唔需要醃過夜，唔係會變咗隔夜雞
今日多謝客籍西餐總廚親身示範包雞
將雞放在竹制的玉扣紙上
然後小心用玉扣紙包著隻雞
包好後再用錫紙包多一次
完成品
係時候放雞，雖然主人家唔係好舒服，但係這個步驟仍然由佢親自主理
將炭及灰燼扒走
跟住放包好既雞入去個土窰度
放妥後把頂部的土磚打散
再加泥覆蓋，加埋古法溫度計～小植物一棵，當棵植物枯萎時即表示土窰內的雞熟透
夠鐘有得食喇，啲雞仍然好熱，要等一陣才打開鍚紙
打開後就嗅到香噴噴
見到玉扣紙有些燶燶地
打開後隻雞一邊好靚
另一邊的雞皮就變了色，有些燒雞的味道，一隻雞有兩種風味
雞肉十分嫩滑多汁，一啲都唔肥，真係好好味呀～包海鮮餐既升級優惠，祇需加每隻RMB30.00
食完雞後就有湯飲，粟米豬骨湯
絶不油膩的炒飯
炒白菜
今日就係坐呢部客VAN到深圳皇崗
這兩日的工錢，其實都無乜貢獻，好似拎多咗啲，下次來要回番啲花生殼做肥料
。返到家後把花生煮熟，少少甜好好味，茄子就清蒸，加豉油，味道超正～
。返到家後把花生煮熟，少少甜好好味，茄子就清蒸，加豉油，味道超正～
沒有留言:
張貼留言