行程：香港 → 成田空港 → 新宿 → 酒店
住宿：新宿アーバンホテル
去年十月尾經Priceline預訂今年農曆年假期的機票，今次都是訂西北航空。一月某天收到Priceline職員告知由於航空公司重組，航班編號有改，但起飛時間則沒有改變。十一月中編排好大約的行程後，便在網上預訂了酒店。由決定再次到東京旅遊開始，便不斷在網上找尋未去過又想去的地方，一月尾整體的行程己準備就緒，跟著便開始執拾行李。倒數的日子越來越近，終於等到今天，開始我們十天的愉快旅程。
航空公司：達美航空（西北航空）
票價：$9,680.00
雜費：$952.00
保險：$440.00
住宿費：新宿アーバンホテル 8晚 68,120円
鬼怒川温泉ホテル 1泊2食 25,500円
今早乘的士五時多抵達機場，辦妥手續過了海關後，便到快餐店食早餐。今次是乘達美航空 0800 班機，由於是美國機關係，登機前還要多做一次安檢，所以預早一點到閘口等候上機。
飛機比預定時間早到，約十二時多便抵東京成田空港，過海關及取行李後，就乘空港特急到日暮里駅，然後轉乘ＪＲ山手線到新宿 1190円，約三時半就到新宿アーバンホテル。踏入這間一年前住過的酒店，重遇當中的一位職員，他竟然認得我們，還熱情地跟我握手，或許是因為這酒店較少有外國客人，多數住客都是日本當地外出公幹人員，加上上次我們一連住了九天，可能因此留下印象。辦妥手續及付了八晚的住宿費後，上房放好行李，就出發搵野食。
登機手續自助機，試咗好多次都唔成功，最後都係到櫃枱辦手續，其他乘客都同我哋一樣，所以counter排長龍
禁區內的食店，時間尚早，只有幾間開了門營業
今日的早餐
在24號閘口登機，食完早餐後行一陣就到
今日乘搭的飛機，架機比以前西北的細，窗口位係兩座位，我同白熊坐就剛剛好
飛機餐－炸菜肉絲麵
另一款飛機餐係腸仔蛋
這架飛機除了有電影睇之外，仲有電視遊戲玩，這款鑽石方塊很好玩，呢程飛機一啲都唔悶
去年由東京帶啡白熊嚟香港，家下帶佢地回鄉探親，不過一樣要填寫入境表
這間就係我哋係東京住八晚的酒店～新宿アーバンホテル
雙人床房，這間房是我上年住過的，間房不是太細，設施十分齊全，唔好以為係特別安排的，其實間酒店得兩間雙人床房，另一間在同一層的另一面，二分之一機會會住到相同房間
在枱上有手寫的歡迎紙張外，還有紙鶴添
每日酒店會供應兩枝水，可以慳番好多
一切安頓好後，便出發到第一個目的地～赤札堂食魚生，買了帶子 580円及魷魚圈 219円，帶子就很美味，但魷魚圈就麻麻，下次都係只係買帶子食好了。在超市買完魚生後就在門口旁邊食。今晚天氣很凍，而且還下著雨，一手拿雨傘，一手拿著食物，兩隻手在影相，講真真有點狼狽，不知其他路人見到我們這個樣子會不會心裏大笑呢？食食下睇到隔離有間すしざんまい寿司店做緊本鮪（藍鯺吞拿魚）特價套餐，這樣難得的美食當然不會錯過，入到去坐好就點了兩份本鮪五貫盛每份980円，哇～很美味呀～魚生入口即溶，鮮味無窮，我從未食過這樣美味的寿司。
下一站去歌舞伎町食鹽燒蝦，但上次幫襯過的那一間見不到有師傅，於是改到附近的另一間，價錢都是580円一隻，付了錢後，到街口的7仔買熱飲，回來時隻蝦已經燒好，雖然仍然下著雨，但要親熱食，於是在橫街找個「雅座」立食位即刻食，不過味道麻麻，算了吧，都係叫做食過。跟住就去百貨公司逛下，點知雨越下越大，雖然有雨傘，但外衣仍然濕晒，於是諗住由地下街行去百貨公司，在地下街跟住指示牌，左轉右轉，有點迷失方向，幸好終於行到了小田急百貨，上到地面後就行過隔離的京王百貨，行完百貨公司已差不多七點了，跟住到Pepper Lunch ペッパーランチ 食晚餐。雖然香港也有分店，但是日本的除了比較好食之外，飯量有大中小的選擇，大食的不怕不夠飽。食飽後，就在酒店附近的便利店及藥房買宵夜和暖包，買完後便返酒店休息。
放好行李後就到西新宿的赤札堂買野食，由酒店行去唔係太遠
大大隻的帶子刺身 580円，食落去，除咗有好鮮味之外，還有淡淡的海水味
味道有些淡的魷魚圈 219円
跟住去咗隔離的 すしざんまい寿司店
還有多款本鮪特價套餐選擇
等食時影下個靚靚醬油壼
兩份本鮪五貫盛（980円，有大トロ、中トロ、赤身、火炙トロ、ねぎトロ），件件都係很美味，我要變身喇～
行去歌舞伎町時，在街上見到的雪榚自助售賣機，諗住搵次買嚟食，點知到離開日本都無機會幫襯
買鹽燒蝦食580円，今次試下呢一間
好大隻蝦呀，不過這裡是用冰鮮蝦
等食時影下相先，歌舞伎町一番街雨中的夜景
燒好有得食喇，這間用鍚紙包好
原來真係好大隻呀，可能係用冰鮮蝦的關係，不是太鮮甜
京王百貨公司，在文具果層的人形公仔，真係好靚呀
今晚食晚餐的地方，Pepper Lunch
買了票後坐好便會有人收票，等一陣就有得食，這位哥哥係度整緊我哋的晚餐
牛ハラミステーキライス付（增量）980円
ビーフペッパーライス（黑椒牛肉飯）大 780円，兩份餐都係要中飯，哇～真係好大碟呀，差點食唔晒
在藥房同便利店買既聽日早餐、飲品、暖包和溫泉粉
很好用的西瓜咭，這兩張係早幾年第一次自遊行時買的，原來無影過相，今次補番影先
沒有留言:
張貼留言