日期 : 2010 年 4 月 5 日 (星期一、天陰,間中有陽光)
昨晚主人家告知今天會做土法乞兒雞,預了我們兩隻雞,哇哇!好開心!
今早又是七時多便醒了,梳洗過後,九點鐘到美味廚房等食。今餐是食蟹粥,材料除了有奄仔蟹外,還有蝦、蠔仔及炸魚片,廚師話因沒有下味精雞粉,所以粥底要加其他海鮮來提味,大大碗的蟹粥一陣就掃清,美味蟹粥果然是名不虛傳。
超美味的蟹粥,其實應該改名叫朗明招牌海鮮蟹粥
油炸鬼,同昨天的一樣咁好食
食飽行出觀景台散下步,呢度放咗兩張長椅,可以舒舒服服訓係度休息,夜晚又可以係度睇星,唔錯
旁邊還有石櫈及石枱
尋晚炸剩的臭豆腐,廚師話驚"臭"得制,所以攞出嚟戶外,乜仲會有臭味咩
呢度仲有曬沙白螺殼
曬雞腎
吃過美味的早餐,便去看做土法乞兒雞,這次建的土窰比較細,原來今次祇是做四隻雞,是廚師特別為我們和另一對客人做的,平時要有客人預定八至十隻雞才會起窰做乞兒雞。土法乞兒雞真的要花很多工序才可完成,我們一面看製作過程一面閒談,不經不覺,乞兒雞熟了,可以吃了。把乞兒雞帶回美味廚房,加上湯、菜和炒飯,這便是我們今天的午餐。
我啲食飽早餐後,輪到雞鴨鵝開餐
小農場內有條小河,好多鴨鵝都喜歡在這裡洗身
輪到鵝鵝沖涼喇
做土窰的泥磚,啲泥係要從山上運落嚟,主人家話耕種過的泥是不可以用的
首先用柴火燒熱個土窰,需時個幾鐘
在紅太陽傘下影,所以影到啲雞紅紅地。一面燒熱個土窰,另一面開始包雞,啲雞全部都係細細隻,主人家話全部都係走地雞,無打針,無用添加劑,所以大得好慢,而且隻隻都唔肥
開始包喇,首先用玉扣紙包裹,所用的玉扣紙原來要好講究,要用竹做的玉扣紙
雞頭要收在翼下,用玉扣紙包兩次
再在外面用錫紙包多一層
將炭及灰燼扒走
跟住放包好既雞入去個土窰度
放妥後把頂部的土磚打散
再加泥覆蓋
在土堆上插棵植物,有咩用呢?
主人家話這個是古法溫度計,當棵植物枯萎時即表示土窰內的雞熟透
食得喇~雞雞要破土出嚟
今日我啲的午餐
包餐啲升級優惠,乞兒雞祇需加每隻RMB30,好抵!
隻雞好廋,一滴油都無
今餐還有西洋菜豬骨湯
炒飯,好大碟,祇吃了一半
生菜,這碟吃了一大半
這幾天主人家都忙於招待客人,今天因為是清明假期,工人全都放假,所以他預先安排少接待客人,故比較清閒。本來早上跟他約好午飯後到田裏掘蕃薯,吃過午餐,休息了一會便去找他,怎料見他在大堂的安樂椅上睡著了。哈哈!隨時都可以睡,真好!
不想打擾他做美夢,故沒有叫醒他。我們到後山的普照庵遊覽,新修葺的普照庵很新淨,地方不是很大,拍了幾張照便回去。跟著在房內嘆電視,突然聽到樓下有聲音問我是不是去掘蕃薯,噢!主人家醒了,還記得要去掘蕃薯。我們連忙下去,主人家已預備了掘蕃薯的工具,我和白熊便跟著主人家去掘人生第一次的蕃薯。
蕃薯田在馬路的另一邊,種蕃薯的地方本來很大,不過部份早前收割了,改種花生,餘下的蕃薯田不是很大,不過笨拙的我們都掘得很吃力,祇掘了少量蕃薯,其餘都是主人家掘的。
蕃薯沒有下農藥,掘出來的很多都爛了,不是給我們掘爛,便是給小動物吃掉了一部份,不過可以把它拿去削片做雞鴨鵝的飼料,這個任務就由白熊負責。我呢,就去除紅蘿蔔田的雜草,忙碌了一個下午,終於有餓的感覺了,今晚又可以大吃一餐,哈哈哈~~~
這裡仍然用牛來耕田的
農夫正忙於工作
朗明旁小路可以直上普照庵
行約兩三分鐘就到
普照庵
旁邊的祖堂
白熊忙於掘番薯時,我就到附近鄰家的田行下影下相,這是番茄田
有幾隻就嚟熟
唐芹苗
花生苗
好多椰菜呀
今日掘的蕃薯
用這個削片機將蕃薯削成一片片,加埋其他飼料一齊煮下再比雞鴨鵝食
呢個煲就係用嚟煮飼料
今日既工錢,其實係除雜草時,抆錯咗啲紅蘿蔔,抆咗出嚟就唔可以放返入泥度,佢唔會再大架勒
嚟咗咁多日都無影過個廚房,既然係任影唔嬲,我哋唔客氣喇
左邊就係這裡的主人家兼廚師
廚房門口有兩個洗手間,有需要時唔一定要返房先可以解決,另一邊有洗手盆洗手,食飯前洗洗手,食飯後又可以洗洗手
今晚既湯,番茄薯仔湯
五香鴨,啲鴨很嫩很滑,好味
椰菜花炒魚片,椰菜索晒魚片的味道,很好食
奄仔蟹,超正~
瀨尿蝦,廚師預早話咗呢碟麻麻地,所以無覺得失望
沒有留言:
張貼留言