第 一 天
旅行社：信某旅行社團費：$799（不過有優惠折扣$60）
雜費：保險 $60、丹霞山風景區門票 $100、小費 $150
日期：2008年4月4日 (星期五、天陰)
行程：香港 → 清遠森波拉奇妙世界 → 韶關 → 酒店
住宿：韶關新華賓館
今朝五點半就起床，梳洗後乘的士到尖沙咀中間道，找到了旅行社的領隊，報到後約七時半就人齊可以開車。在沙田及粉嶺接了其他團友後就到黃崗過海關，今日海關不是太多人，好快就辦妥過境手續，國內的導遊已經在海關出口等著我們，上了旅遊巴後就出發。
今日第一個景點是到清遠的森波拉，車程要三、四小時，所以早上是沒有其他景點，中途在一間餐廳食午餐，飯後繼續行程，約二時多到森波拉。森波拉除了有酒店及溫泉外，還有奇妙世界，這是一個以恐龍時代作背景的主題公園，我們到這裡就是參觀這個恐龍公園。
導遊安排妥入場券後就入場，奇妙世界原來是十分大，中間有個湖，風景很美，遠遠還見到一對大恐龍，我們向著這對大恐龍方向慢慢行，到了桫欏谷，同兩隻大恐龍影完相後，到隔離的恐龍谷探險，在恐龍谷內有好多隻不同種類的恐龍，每隻都做得十分生動，但是行行下聽到前方有人慘叫，發生乜野事呢？行去睇下喇～哦！原來有人扮鬼扮馬係度嚇人！行完恐龍谷後．差不多到睇表演時間，於是向森波拉劇場進發。
到了劇場搵位坐好後，等了十多分鐘就開始有表演睇，但是個表演都幾悶，睇到有些想訓，睇完表演後約四時半就離開森波拉向韶關出發。
在途中，導遊說今晚有自費活動，是到步行街血拼及夜宵，不過想早點上床休息，所以就沒有參加。約七時才到韶關，今日入住韶關新華賓館，大家先到賓館的餐廳食晚餐，用膳期間導遊就派房間門匙，各人可以食飽後自行上房休息。今日入住的只是三星級酒店，房間的洗手間有些殘舊，只是住一晚，不計較那麼多，而這間新華賓館附近十分旺，上到房間放好行李，休息一陣就到酒店附近行下，見到有家小店賣糭子，見到那些糉子剛剛做好，熱辣辣，買了個返酒店食，在回酒店途中見到有間食店有粥賣，本來想食碗粥才返酒店，不過又賣了糉子，於是返酒店在房間食完美味的糉子後，再出來到食店食粥，這裡的粥是生滾即做的，而且又是用沙煲煮，很有風味，食飽飽後就返房休息。
今次三天行程坐的旅遊巴
旅遊巴內的啤啤熊，這位司機都幾可愛，好有童真
今日的午餐就在這裡食
好普通的團體餐，豆腐，好似餐餐都有
乳鴿，好味呀～
食完飯在附近行一陣，水甲甴呀，好生猛係咁游，唔知這間餐廳是否養嚟食呢？
娃娃魚呀，乜呢度都有得食！係受保護動物喎～
坐咗成日車，終於到了森波拉
五星級的森波拉酒店，不過今晚唔係住係呢度
火山溫泉，天氣凍凍地，浸下溫度都幾正，不過又係無我們份，我們是嚟遊奇妙世界
森波拉門票，話就話全票，但只係包入場同見表演，裡面的遊戲要另外收費
奇妙世界入口
入到去後就見到個揩示牌，我們是向左行去桫欏谷及劇場
如果唔想行的話，有環保車可以坐，當然要另收費喇
好大個酒桶
原來是間士多
湖的對面有對大恐龍，我們就是向那麼行
有得餵錦鯉魚呀，行去睇下先
真係好多魚呀，可能個公園新開，d 錦鯉仲係好細條
好特別的櫈，好有石器時代 Feel
行了幾分鐘就到桫欏谷
這裡有好多隻小恐龍，做形好可愛
大恐龍呀，定時都會播恐龍叫聲，都幾真架
腳下留情，好多時公園的草地都會比人踐踏～
恐龍谷
劍龍
鴨咀龍
除了有立體模型外，仲有化石模型
其他的恐龍
睇完後就在大恐龍前面的小食店買些野飲
行去劇場的路上有好多杜鵑花盛開
到了森波拉劇場，等了一陣就開始
真係唔知佢想表達乜野，只覺有些悶
睇完表演後就行去停車場上返旅遊巴
坐多二個幾鐘才到酒店，今晚晚餐只是一般
蒸水蛋，好滑
竹旬抄肥豬肉
食飽後就返上房，睇落都 OK
但係個洗手間，企缸唔見咗度門，沖完涼成地濕晒
放好行李就落街行下，在街邊小店見到剛蒸好的糉子，好似好好味咁，買隻返酒店食先
熱辣辣，好好味
食完糉子後就再落街到這間食店食粥
沙煲生滾粥，粥底好正，真係好好味，飽晒
在酒店附近的超市買的，收穫豐富
沒有留言:
張貼留言