很久也沒有去海洋公園，而且剛剛有對幼熊貓盈盈樂樂到了香港，所以今天決定去海洋公園睇熊貓。
早上九時多就到了金鐘巴士總站，跟住轉乘城巴 629 號巴士到海洋公園，原來由金鐘到海洋公園都只是半個鐘車程，好快呀，到了都未夠十點，等到十點開門就可以入去玩喇！
其實我哋兩個都唔係好鍾意玩機動遊戲，所以祇係行下睇下野，首先當然係去睇下盈盈同樂樂喇，點知入到熊貓館後，佢地只係掛住訓覺，睇唔到，好彩安安佳佳就坐係度食野，任影唔嬲。
睇完後就坐吊車到山頂，到了山頂後，見海洋館的表演差不多開始，所以就先到海洋館睇海豚，睇完見有 d 餓，就在附近的食店食午餐，揀來揀去，最後都係決定食麥記，但係這裡沒有套餐出售，是分開賣的，食物價錢只是貴少少，但係飲品就貴到飛起，一杯汽水就要十五、六蚊，後來又買了枝水飲，都要十幾蚊，真係好貴，下次嚟一定要帶備多 d 飲品。
在山頂行完後就坐番吊車落山，因之前睇唔到盈盈樂樂，所以去多次熊貓館，但係佢地仍然係度訓覺，睇唔到，行多陣約五點就離開，乘巴士番屋企了。
係金鐘巴士站都有門券出售
海洋公園正門口入
好多地方都有門券出售，而且仲要折扣，所以這裡無乜人買票
入場券
沙士後，好多地方都有的消毒洗手機
仲未夠鐘呀，好多人係度排隊等入園
未有得入，係門口影下相先，好靚的海豚噴泉
入得喇，一入閘係左邊就見到間精品手信店，睇下野先
磁石公仔，好多魚魚呀
烏龜博士，好 Q
睇完野就繼續行，剛好今個月係Halloween，呢度好有氣氛
有隻怪獸係度喎，唔知同 Halloween有乜關係？
有高架車玩喎，本來諗住去玩，但係原來入場券係唔包既，另外要收費，而且都唔平，所以就無玩
好大個氣球，可以坐上去睇風景，不過又係要另外收費
首先當然係去熊貓館探下盈盈樂樂喇
去熊貓館的路上有好多熊貓公仔
傻頭傻腦的粟米熊貓
係館內係唔可以用閃光燈，將相機 set 做無閃光先，唔係就會嚇親d熊貓
盈盈樂樂掛住訓覺，只好同安安佳佳影下相
掛住影相，無睇清楚邊隻係安安，邊隻係佳佳
這個是晚上才開放的場館
睇完熊貓後就坐吊車上山頂
坐吊車前睇下尾班車係幾點，唔係玩到無吊車坐就閉
海洋公園的吊車唔係好大，而且又唔係好多人，所以可以我哋兩個人一部吊車
好多吊車呀，成條龍咁，都幾壯觀
到咗山頂喇
海洋摩天輪
連山頂都有好多 Halloween 南瓜怪
好大隻怪手呀
好大隻蜘蛛
海洋館就嚟開始有表演
仲未夠鐘，搵個位坐先
開始喇～海豚同海狗出嚟見下大家
睇完就周圍行下，這個是鯊魚館
真係死剩棚牙，鯊魚個口都幾大喎
瘋醫生解剖室，無得入，又係晚上Halloween的節目
今日的午餐，兩個包加麥樂雞，一杯汽水，多謝六十幾蚊，
食飽飽後就去睇水母，而家真係好興水母，好多地方的海洋館都會有水母館
這個場館要排長籠，這裏就係入口
旁邊有間賣水母毛公仔店
好靚的水母
館內好黑，行路要小心 d ，好彩我的手機有電筒功能，唔係就真係....
其實水母館係在吊車站上，在這裡睇風景一流，下面就係黃竹坑
落山喇
keroro 軍曹真的大熱，連呢度都有得賣，這隻係 giroro伍長
tamama 二等兵同 dororo 兵長，點解見唔到我鍾意的 keroro 軍曹呢
行行下去咗威威劇場，聽到裡面有表演，於是入去睇下
睇完表演後就行咗去兒童王國，這裡只是得一些啱兒童玩的機動遊戲
旋轉熊貓呀，玩下先，都幾過癮
兒童版的鬼屋，都幾驚架，見到有 d 細路仔驚到喊
疆屍花橋，邊個敢坐
跟住行去雀鳥劇場
開始表演，首先出場係大咀鳥
跟住其他的雀鳥出場，不過只係飛出嚟一陣，跟住就入番去
好彩最後有幾隻鸚鵡俾人任影
藍色金剛鸚鵡，笑下喇
今日的收穫
沒有留言:
張貼留言