今天一早就出發，乘地鐵到中環，然後上行人天橋行去港外線碼頭，剛好搭到 10:10 去榕樹灣的船。約半個鐘就到，都幾快。因還未食早餐的關係，所以就在榕樹灣的一間茶餐廳內食埋早餐才起行。
食飽後就起程，第一站係天后廟，這間天后廟有個特別的地方，就係門前的一對石獅子，外貌同平時見的唔同，十足匯豐銀行門前的西洋獅子。據說因以前的石獅破爛，要重做一對新的，但是找不到中國的石雕師傅，唯有找個學西洋石雕的師傅，所以天后廟門外就變了對西式的獅子。
影完相後就正式出發行山了，沿途都有好清楚的指示牌，唔怕會行錯路，行了一陣就到了好出名的亞婆豆腐花，當然要食下喇。天氣熱食凍豆腐花就最正，而佢的凍豆腐花不似一般食店的做法，預先"不"定係碗再雪凍，這樣會出好多水，無咁好食。這裡是成煲雪凍，要既時候先"不"，咁就無出咁多水，滑好多，正呀！
食完咁正的豆腐花後就繼續行，行多十多分鐘就到洪聖爺灣，這裡水清沙幼，係一個游水的好地方。不過要搭船又要行成二十多分鐘才到，所以個沙灘唔係有好多人咋。
在沙灘旁有個香草園，種了好多各種的香草植物，而且免費參觀的，入去行個睇下就繼續行程。跟住的路是上山的山路，行得有點辛苦，好彩路程唔係太長，行下抖下好快就行到山頂的觀景亭，在觀景亭旁買些飲品休息一下，這裡陣陣風吹，十分舒服。
休息十多分鐘後就繼續行程，餘下的是落山路，十分易行，約二點就行完。到了索罟灣後已經十分肚餓，在一間海鮮店食午餐，我們要了一個二人套餐，有五味餸，仲有兩粒墨魚丸送添，今餐真係好豐富，食飽後就到碼頭坐四點船回程。
中環港外線碼頭
坐 10:10 去榕樹灣的船
我哋坐的船
上環
睇到三支煙囪知就到
海中的觀海亭
碼頭士多
南丫島的小型救護車
連救火車都係咁細架
碼頭兩旁泊滿晒單車
南丫島地圖
係碼頭睇果三支煙囪，又係幾似香喎
出了碼頭路牌，唔會迷路
這間麵包店都幾出名，係自家製的，幾有特色
食早餐喇，睇下有乜野好食先
每份 $22 的早餐，份量略為細份
食多串魚蛋就剛剛好，好味
係榕樹灣的商店前 d 貨物放得好整齊
好古老的衣車，唔知仲用唔用到呢
到了天后古廟
好古怪的石獅子
今天好曬，成班人係樹底抖涼
玻璃工作坊
行行下見到有間屋前種了好多花
雜架攤，有齊中日英文，擺明係做遊客生意
亞婆豆腐花
食碗凍豆腐花，好滑呀～
行行下見到兩部好細部的消防車
應該係四驅車改裝的，係山路用就好適合
原來係去洪聖爺灣游水
個沙灘水清沙幼
因路途遙遠，所以唔係有好多人
係不准狗入去架
唔知係唔係太熱，唔係有太多香草
睇完就係隔離條路上山
之前見的煙囪原來係發電廠的煙囪
仲有好長的斜路要行，努力加油
係山上望個海好靚
遠處有艘爛船
在山頂的觀景亭，可以休息喇
隔離仲有個小販買凍飲，天氣咁熱買番 d 野飲下先
差不到時索罟灣，見到間水泥廠
遠處就係索罟灣
我哋唔去蘆鬚城沙灘，所以轉左行
這裡的居民仍然係燒柴
這間是賣手工藝品的商店
草菇形的垃圾筒
往觀景亭的路牌
行入去睇下
好靚的觀景亭
行落去有枱有櫈
南丫島另一個名勝～神風洞
另一個景點就係索罟灣的天后廟，比榕樹灣的大好多
終於見番傳統的中國石獅
今日食午餐的地方～泰苑酒家
二人套餐，都幾好餸，炸魷魚
豉汁抄聖子
蒸飽魚
生炒骨
個伙記話係佢哋的招牌菜，豉油王炒蝦
海中心有好多魚排
坐四點船返香港
架船到喇，返屋企喇～
沒有留言:
張貼留言