第 二 天
日期：2007 年 6 月 17 日（星期日）
行程：酒店 → 青瓦台 → DIY泡菜及韓式榚點 → Ice Bar → Seven Lucky 賭場 → Coex Mall → 酒店
住宿：樂天世界酒店
今天 7 點 Morning Call ，可以唔使天未光就要起床，梳洗後直接到大堂等上旅遊巴，因韓國的酒店內的餐廳比較細，大多都不會接待旅行團，所以要一早坐車在酒店附近的飯店食早餐。韓國的早餐同香港的差不多，導遊小姐細心的選擇一間比較近中式的飯店。
食飽後第一站是到青瓦台，青瓦台是韓國總統的居所及辦公室，我們可以到的只是總統府的後門，當然啦，正門點會比咁多人係度，唔通去抗議咩！到了青瓦台時已經停泊了多部旅遊巴士，要停在較遠的地方，落車後導遊小姐先帶領我們到指定地方影團體相。這裡最吸引我的並不是總統府，而是在那裡負責指揮交通的警察，他們個個除了高大威猛同靚仔之外，而且穿著一件頭的運動衫及穿著滾軸流冰鞋，好有型！
影完相後就到韓國料理教室 DIY泡菜，老師一早就準備好所有材料，我們只是把辣醬同大白菜混和。教我們整泡菜的老師原來是拍攝大長金的幕後料理師傅的女兒，據老師講，泡菜好不好食主要是決定所用的辣醬。做完泡菜就可以試穿韓服，著完後攝影師就幫每個人影相留念，這位攝影師是一個好老實的青年，不會狂影，而且每張相都是客人願意影的，不像其他的旅遊社的人亂咁搶錢。
影完相之後就去食午餐，今餐是食韓國燒烤，之前都講過，韓國的每間食店只售賣一種肉類，今餐就只有豬肉食。在韓國所食的豬肉大都是韓國本土的，肉質麻麻，可以任食就無所謂喇。
今日的自助早餐，過得去喇
大家估下這位哥哥做乜係馬路玩溜冰？
原來佢就係青瓦台的警察
青瓦台，不過係後門
附近的紀念品店
店內所賣的精品
鼓樓
老師一早就準備好所有材料
DIY整泡菜的地方 一人一份，唔使爭
做好的泡菜可以幫我地真空包裝帶返香港
做完泡菜跟著就整韓國榚點
做法好簡單，把材料放入模內壓實就 OK
完成品，不過就唔想食，因落了好多油
今日午餐，韓國燒烤
今次係只得豬肉食
大熱天時仲食燒烤，食完熱死，買杯雪樣先
食飽就要去 Ice Bar 體驗一下零度以下的感覺，門口穿了件大褸就可以入去，這裡真的好凍，佢仲每人有杯免費凍飲，真係凍上加凍。凍完之後就去七星賭場賭下錢，但對於我唔賭的人來說只得一個字『悶 』，好彩在入口大堂有個小型娛樂室比人玩，唔係就悶鬼死。這個賭場不像其他外國的那樣會送少少泥碼比遊客玩下，而係要遊客自己用錢對換，仲係泥碼嚟添，好呃錢。
悶了三十分鐘後就可以離開，到下一站 Coex Mall ，原來這個商場係係賭場隔離，行唔夠一分鐘就到，在這裡有間泡菜博物館，不過要自費。這裡其實唔係好大，行一陣就行完，在 Coex Mall行多一陣就夠鐘集合。
齊人就出發食晚餐，今餐係食韓國最出名的人參雞，人參雞其實係將d糯米連人參放入隻雞肚裡面，然後蒸熟，今次我地食的所謂人參雞就好細隻，而且又無乜人參味，好辛苦才找到，原來條人參細到手指尾咁，而且仲係無乜味的。食飽就坐車返酒店休息，由於時當尚早，只是七時多，當然要行下酒店隔離的樂天百貨，在地庫買了今晚宵夜添，返到酒店食埋宵夜梳洗後就休息了。
食飽就去 ICE-BAR
咁凍仲比凍野我地飲，凍死
跟住去賭場玩下
韓國馬路的安全島是用吹氣球的
唔賭錢就到附近行下街，買了旅行裝牙刷
小食當然唔少得
原來在韓國都有好多漢字，又話韓國係禁止用漢字
在 Coex Mall的泡菜博物館
博物館的入口
入場券
韓國的泡菜是由中國傳入的，有好多中國的古籍
展品
好大個缸
以前做泡菜的各種工具
各式各樣的泡菜
生果乳酪
商場內設有的水族館，看來這個商場真的好大
今晚晚餐～韓國名物『人參燉雞』
這隻雞是好細隻的，而條人參就更加細，細到搵唔到，只係食到少少人參味，食果時係湯度加麵，仲有得添，一定夠飽
好大罐泡菜呀，睇嚟韓國人真係好鍾意食泡菜
雖然韓國已經不用漢字，但係間中都會見到漢字
樂天世界地庫係賣食品的，宵夜就係呢間買嚟食
類似三文治的東西，四隻都唔同味
個樣有 d 似班戟，好好味架
樂天世界的燈飾．個狸貓好似係佢個標誌
買咗少少野野食做宵夜
沒有留言:
張貼留言