第 一 天
旅行社：永安旅行 東京五天遊
日 期：10-02-2005 星期四 晴
行 程：香港國際機場 → 東京成田機場 → 台場小香港
→ Venus Fort、豐田汽車會館 → 幕張太子酒店
膳 食：午餐：飛機餐 晚餐：中華料理
住 宿：舞濱幕張 Prince 酒店
當日乘搭 10:20 的 CX 520 國泰航空公司，開茶會時通知，因假期關係，要提早 3 個鐘到機場，集合時間為 07:20，咪要 5，6 點起身！？
05:00 起床，好早呀，因要乘搭地鐵早上頭班車 06:00。
06:10 拖著個大旅行箱，終於到了地鐵站，遲了少少，到了東涌還要轉搭機場巴士 S1。
07:10 到達機場客運大樓 ， 比集合時間還早了十分鐘 ， 在落巴士時唔知點解其他乘客要早一個站落車，咪要拖著行李行餐死？ （原來那裡有升降機直上離境大堂。）
09:30 入閘，香港機場海關效率十分高，好快就完成手續。
機場內的宣傳公仔
國泰 CX 520 10:20
去東京的國泰機
機師及空姐上機
機場控制塔
飛機外面景色
10:20 架飛機起飛了，好緊張呀，飛機飛了一陣，空姐就派小食和飲品，午餐是在機上食飛機餐，本來是好期待的，但是食落又是另外一回事、好難食，不過事後覺得應該是在飛機內的環境（好拋、座位又好逼）及食物只是一般的，由香港飛去東京要 3 小時 45 分鐘，由於太早起身，於是一邊聽音樂（飛機提供）一邊小睡。
食飯前小食
座椅後的電視，仲有歌聽
飛機A機 – 牛肉飯
飛機B餐 – 鰻魚飯
15:30 到達東京了，比預期早了些少，架機降落後要花十幾分鐘才可到機場大樓，成田機場大過香港國際機場好多，在機內要逗留十幾分鐘才可以落機，因為時差的關係，而東京比香港早一個鐘頭，所以到東京時已是下午 3 點幾。
出境大堂，部扶手電梯是落去搭JR京成本線、Skyliner、Narita Express可以去上野車站。
16:20 上了旅遊巴士，女領隊（Sherman Ho）介紹完自己後，輪到個導遊棋棋（kiki）介紹，每次跟團開始時必須有的開場白。由於時間尚早，加插了遊台場小香港，本來這是我好想去的地方，原打算在遊 Venus Fort 時自己去的，現在可以免除麻煩，多開心，裡面有好多精品店，尤其是那間 Hello Kitty 專門店，而電話繩更是我的至愛，買了幾個限定版 1,260 円。
18:00 晚餐，在台場小香港內的鴻星酒家（唔知同香港的有無關係）在日本食中國菜，不要有期望，只是一般以下的水準，加上有些暈機浪，無曬胃口，食得好少。
台場小香港內的鋪頭
唔記得入面是乜
Hello Kitty燒餅好靚，不過無買
全部都是國內限定版
有好多Hello Kitty手巾
好趣緻的女兒節公仔
旁邊的燈飾
在台場後面的彩虹橋
晚餐地方 - 鴻星酒家
去 Vensu Fort 天幕廣場，旁邊有豐田汽車展，入到去 Vensu Fort 入口有間精品店，有好多擰蛋、用 200 円玩了一次青蛙風鈴，可惜唔係想要的款式，跟著去了行天幕廣場，本來想影相，但唔比用腳架，而且又好暗，結果無影到相，不過個天幕好靚，行完打算返去剛才個間精店再擰蛋，可惜關門，又行去電車站，取了些資料，返去行多陣豐田及暖下個身，出面真是好凍，大約只有 2，3 度，玩了一個賽車遊戲就夠鐘集合。
哇！兒童樂園～
好 Hit 的青蛙
好Q的大公仔
夾公仔機
後面的是扭蛋機
豐田汽車展內的展品,，架架賽車都是真的
有好多跑車呀
21:15 酒店 Check In，今晚住幕張太子酒店，好累，暈機浪的感覺仲有，宵夜是自己帶來的杯麵，在房內影了幾張夜景後便休息了。
從房內影的舞濱區
第二張夜景相，靚過用眼睇
沒有留言:
張貼留言