日期 : 2010 年 9 月 27 日 (星期一、天晴)
早前白熊在網上瀏覽時，看到不少網友到過尖沙咀香港文化中心露天廣場一個名為『香江歲月狂想曲』的中秋專題綵燈展覽，內裏的綵燈均是五、六、七十年代的懷舊經典造型，維肖維妙。看罷別人拍攝的照片，很想到現場感受一下這懷舊的回憶，故選了今天平日的晚上，下班後去看看這個展覽。
維港的夜景
在海運大廈前面多咗個大公仔，唔知係乜野嚟呢？
西班牙仿古三桅杆帆船「安達盧西亞號」會停泊在海運大厦至本月30號，捐款給公益金便可在日間指定時間上船參觀
先到這裏醫醫肚先
今晚很少客人，唔洗等好耐就有得食
先嚟嘅係橙汁梳打和熱柚子茶，杯橙汁梳打又幾好飲喎
好野，有野食喇～個包都幾大個喎
特級牛肉芝士鮮堡 $33
照燒牛肉鮮堡 $25
還有和風薯角和芝士煙肉焗薯皮，一共 $106
食飽後就行去文化中心，經過尖沙咀鐘樓時睇到裡面有燈，望入去時睇到個銅鐘，原來這個銅鐘很有歷史價值，銅鐘造於1919年，1976年火車站搬遷時移至紅磡火車站內，曾於紅磡及沙田火車站展出，今年9月時值九廣鐵路通車一百周年，遂將銅鐘送回鐘樓內
影完相後就去睇燈飾展覽
展出場地在鐘樓旁邊
先來中秋賀節燈籠，有不同的圖案，這個是雪花
飛行棋圖案
紅白藍圖案
波波圖案
兒時玩的跳飛機和跳橡根繩
在公園玩的擒鋼架，呢個內裏有好多燈籠
仲有"捐'山窿添
經典懷舊遊戲～飛行棋
六十年代制水，要擔水的情景，看過別人的網誌，原來兩兄弟中間本來有一條擔挑，挑著一個紅色膠桶，不過有遊人跌了落水，仲整跌埋擔挑同個桶添，所以現在看不到"擔水"的情景了
連接兩邊展景的有隻大白兔
內裏有不少招牌
仲有雀籠和賣魚檔的紅色燈罩
寫信先生和楊桃型信箱
以前啲人識字唔多，幫人寫信都可以養活一家
真係要頒個創意獎比楊桃信箱
坤記理髮店，以前一邊剪髮一邊有公仔書睇
成功洋服，六、七十年代有些少錢的人家都鍾意搵裁縫做衫
頂頂大名的垃圾蟲，是當時教育小朋友清潔香港的＂宣傳大使＂
交通警察，在十字路口指揮交通，好彩以前天氣無咁熱，空氣指數又無咁高，而且仲可以著＂短褲＂開工
以前人力車都係交通工具之一，都有唔少人幫襯。車仔！車仔！載我返屋企吖，唔該！
個車輪仲識轉添
擦鞋工作，相信是當時最多童工的行業
賣飛機欖，要有好好眼界先得架！
油脂飛和奶茶咖啡，睇油脂飛既騎樓裝，就知是六、七十年代的造型
呢個諗咗好耐，衣飾似茶餐廳伙計，但腳踏著圓波，似表演玩雜耍
經濟大排檔，食客坐在矮櫈仔，一面吃，一面望著老板煮野食
馬姐與挑擔挑賣菜的菜販
這個白熊話最鍾意，雙喜牌痰罐，做得好鬼似
碌架床，當年每個家庭梗有最少一張係屋企
捲著電髮卷和背著小孩的媽媽，是經典＂師奶＂造型
大紅熱水壺，都是當時家庭必有的家庭用品
中秋節，小妹妹好開心係度玩兔仔燈籠
砌積木，一盒積木可以同幾個小朋友一齊玩
玩具鎚仔，卜落去有聲音發出，好吸引小朋友
西瓜波，又是著名經典懷舊玩具
