2007年12月4日 星期二

07年 東京箱根8天自由遊 Day 8


第 八 天
 
日期:2007年11月25日(星期日)
行程:酒店 → 成田機場 → 香港

  今天可以遲點才起床 , 因為 CheckOut 後就直接到機場 , 所以起身慢慢梳洗執行李, 到了 10 點半才 CheckOut , 拖住一大一中的喼(之前係將個中喼放入個大喼度 , 這樣去箱根比較方便)行去車站 , 因為在東口是沒有升降機或扶手電梯到月台 , 所以就要行去東南口才入閘。

  到了車站就乘山手線到上野 , 轉乘京成特急到成田機場 。 原本是在日暮里轉車, 但是車站正在裝修中 , 不知需不需要做咕喱 , 所以決定在上野車站轉車 , 而且上野係總站,一定有位坐,如果唔係就要企好耐。

  好快到上野 , 行一陣就到京成上野駅 , 買了票就入閘上車 , 在車上食埋昨天買的士多啤利 , 放了一天 , 比昨天甜 d , 好味 ! 由上野到成田機場 , 要坐六十幾分鐘車, 約 12 點就到成田機場 T1 , 但是上到機場找不到國泰的櫃台 , 於是問了位靚靚女服務員 , 查過了電腦後確定係張電子機票寫錯 , 應該在 T2 才對 , 真是晴天霹靂 ! MY God !! 於是就坐番電車去 T2 , 落了車出了閘後 , 打算行快兩步 , 但是一出閘就俾機場特警查看護照 , 我就乘機問下點上去航空公司的登機櫃台 , 查完謢照後 , 坐扶手電梯上 3 樓 , 這裡的扶手電梯同 T1 一樣 , 是可以把行李手推車成架推上扶手電梯 , 好方便。 

  去到國泰的櫃台 , 好彩並不多人 , 好快就過了 X 光機跟住辦登機手績 , 閉 ~ 超重添 ! 原來兩個喼成 42.5kg , 唔怪得咁重 , 好彩果位地勤姐姐冇講乜野 , 好快就搞點攞埋機票。

  過埋海關就已經點半鐘 , 今日是坐國泰 CX549 下午 3 點 25 分班機 , 食完午餐買埋免稅手信後就到登機閘口 。 在登機閘口有間書店 , 那裡賣的漫畫成本電話簿咁厚 , 仲有紀念電話繩送 , 真係超抵 , 買了一本 。 登機後食過飛機餐 , 差不多是 8 天行程尾聲。那時,真的好掛念自己張床,我返嚟喇!

由上野去機場車費每位 1000円

好甜好靚的士多啤利
搞咗一輪,又要坐番車去 T2
終於到 T2,個心安樂哂
今日食午餐的地方,自助形式
唔想食咁飽午餐,食少少就算
在機場內原來有間 Yahoo Cafe'
連這裡都有聖誕氣氛
在 91號閘口登機,要坐接駁電車
CX549可以準時開出
超大本超抵的漫畫
食飯前的小食
天氣好好
黃昏景色好靚
又係例牌的飛機餐
個餐一般,但個包好硬,好難食
飛機已經離開了日本,好快就到香港喇
等緊攞行李,好心急想快d返屋企


07年 東京箱根8天自由遊 Day 7


第 七 天
 
日期:2007年11月24日(星期六)
行程:酒店 → 新宿御苑 → 原宿 → 新宿
住宿:新宿アーバンホテル

  今天的行程只是到新宿御苑觀賞紅葉及遊原宿 , 所以7時多才起床 。 梳洗後就起程 , 由酒店到御苑要行10分鐘路 , 途中經過藥房時發現遠離旅遊區的價錢係會比較平 d , 又入了些貨才繼續行程 。 到了御苑購了票後就入公園睇紅葉 ; 這個公園的紅葉有五種不同的楓葉,當天時間剛好,大部份的楓樹都已轉了紅色,可以慢慢欣賞。

日清食品公司,唔知日清仔係唔係度

新宿街頭

在東京都內好多地方係不可以一路行一路食煙,新宿就係其中一個地區

好有型的大廈,估吓係乜?病院嚟嫁!

好大個蟹道樂的廣告,酒店就在蟹道樂對面


好可愛的路牌

松屋有好多分店,又遇到一間,如想幫親,總有一間係左近

自助免費洗眼鏡機,當然要洗下我副老花鏡喇

行了十多分鐘就到新宿御苑

售票處

自助售票機,每位 200 円

入園券入閘後會收回,不可以留番做紀念品

入口在售票處左邊

新宿御苑的地圖,入場每位都會派發地圖

紅葉呀~


各位慢慢欣賞



























  行完就到JR新宿車站坐車到原宿 , 這裡上年已經到過 , 但當時下著雨 , 今日可以慢慢行下睇下 。 在竹下通り有間三層高的 100 円 店 , 在這裏又買了很多東西 , 原宿其實並不太適合我地行 , 因為這主要是賣潮服 , 所以只行了一陣就坐車返新宿 。 打算行下西新宿 , 並且想在北澤俱樂部食午餐 , 但是在途中發現一間元祖寿司店 , 在上年我食過上野的分店 , 價錢比北澤俱樂部平很多 , 所以我們就到這間食這次旅程的最後一餐寿司 , 這裡的寿司也十分美味 , 而且可以睇到寿司師傅整寿司 , 藉得推介的平價迴轉寿司店。

新宿 JR 車站

原宿竹下通り的入口

日本的麥噹噹都有 100円 特價食物

自助售票機,不過要有麥噹噹的咭才可以用

這間烏冬店遊大阪時都食過,味道唔錯

多拉A夢布偶公仔呀

好平的福袋呀,裡面係女仔d飾物

好多香蕉先生俾人吊起

變身前的香蕉先生

變~身

竹下通り街頭

表參道街頭





JR原宿駅

在明治神宮的入口前有個女仔賣佢畫的畫

Lolita 仲未出動

現時好流行的屁蟲


原宿內的太田記念美術館

新宿街頭做緊工程,有個燈相公仔Say Sorry

今日午餐的地方-元祖寿司,每碟 130円起

間鋪有個特別地方,就是就算無人,個師傅都會繼續整寿司整到條Line滿哂

海膽寿司,唔~好味!

今日的戰績,都唔錯

  食飽就在新宿飛鳥酒店附近的超市行吓 , 在這間超市內找到有士多啤利賣 , 但始終都是不合時 , 價錢貴了少少 。買了一盒 , 唔係好甜,食了一半 , 留番一半明天到機場時食 ; 這裡有十分平宜的日本蕃薯 ,  100 円 就有一大條 , 在香港細細舊就要二十幾蚊。

  今晚想早 d 返酒店休息 , 所以夜晚個果餐食杯麵 , 日本的杯麵係比香港的好食好多 , 無味精,食完麵仲可以飲埋 d 湯,正~;沖完涼 11 點就上床休息了,各位晚安。
街邊送冰的哥哥,佢係度鋸冰

這間就係日本好出名的寿司店 ─ 北澤俱樂部

商品券店,睇下有乜野平的入場券先

這間漢堡包店在香港都有分店,但冇香港咁多人

好平的日本蕃薯

這邊仲係 100円一條,真係超平,差點就忍唔住買

昨天入住時忘了幫間房影相

間房都唔錯,好寬闊

今日的成績,大部份都是100円及藥房買的

在東京最後一晚的宵夜